บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Sam.A. (sarattha.2) Page 338.
Na upatthahanti, uggahitam sajjhayitam na dissatiti vadati. Vicikicchati no mahavicikiccha. Na hi tassa "sasanam niyyanikam nu kho, na nu kho"ti vimati uppajjati. Evam panassa hoti "sakkhissami nu kho samanadhammam katum, udahu pattacivaradharanamattameva karissami"ti. Kamanametam adhivacananti yatha hi ninnam pallalam olokentassa dassanaramaneyyakamattam atthi, 1- yo panettha otarati, tam candadhinakulataya akaddhitva anayabyasanam papeti, evameva pancasu kamagunesu cakkhudvaradinam arammane ramaneyyakattam atthi, 1- yo panettha gedham apajjati, tam akaddhitva nirayadisu eva pakkhipanti. Appassada hi kama bahudukkha bahupayasa, adinavo ettha bhiyyoti imam atthavasam paticca "kamanametam adhivacanan"ti vuttam. Ahamanuggahenati aham dhammamisanuggahehi anugganhami. Abhinanditi sampaticchi. Na kevalanca abhinandi, imam pana satthu santika assasam labhitva ghatento vayamanto katipahena arahatte patitthasi. Dutiyam. 3. Yamakasuttavannana [85] Tatiye ditthigatanti sace hissa evam bhaveyya "sankhara uppajjanti ceva nirujjhanti ca, sankharappavattameva appavattam hoti"ti, ditthigatam nama na bhaveyya, sasanavacarikam nanam bhaveyya. Yasma panassa "satto ucchijjati vinassati"ti ahosi, tasma ditthigatam nama jatam. Thamasa paramasati ditthithamena ceva ditthiparamasena ca. Yenayasma sariputtoti yatha nama paccante kupite tam vupasametum asakkonta rajapurisa senapatissa va ranno va santikam gacchanti, evam ditthigatavasena @Footnote: 1 Si. natthiThe Pali Atthakatha in Roman Character Volume 12 Page 338. http://84000.org/tipitaka/read/attha_page.php?book=12&page=338&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=7464&modeTY=2&pagebreak=1 http://84000.org/tipitaka/atthapali/rm_line.php?B=12&A=7464&modeTY=2&pagebreak=1#p338
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]