บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๒ ภาษาบาลี อักษรไทย สํ.อ. (สารตฺถ.๒) หน้าที่ ๓๓๗.
อิมสฺส จ ปน วคฺคสฺส เอเกกสฺมึ สุตฺเต ปญฺจสตา ปญฺจสตา ภิกฺขู อรหตฺตํ ปตฺตาติ. ขชฺชนียวคฺโค ตติโย. ------------- (๙) ๔. เถรวคฺค ๑. อานนฺทสุตฺตวณฺณนา [๘๓] เถรวคฺคสฺส ปเม มนฺตานิปุตฺโตติ มนฺตานิยา นาม พฺราหฺมณิยา ปุตฺโต. อุปาทายาติ อาคมฺม อารพฺภ สนฺธาย ปฏิจฺจ. อสฺมีติ โหตีติ อสฺมีติ เอวํ ปวตฺตํ ตณฺหามานทิฏฺิปปญฺจตฺตยํ โหติ. ทหโรติ ตรุโณ. ยุวาติ โยพฺพเนน สมนฺนาคโต. มณฺฑนกชาติโกติ มณฺฑนกสภาโว มณฺฑนกสีโล. มุขนิมิตฺตนฺติ มุขปฏิพิมฺพํ. ตํ หิ ปริสุทฺธํ อาทาสมณฺฑลํ ปฏิจฺจ ปญฺายติ. กึ ปน ตํ โอโลกยโต สกมุขํ ปญฺายติ, ปรมุขนฺติ? ยทิ สกํ ภเวยฺย, ปรมุขํ หุตฺวา ปญฺาเยยฺย. อถ ปรสฺส ภเวยฺย, วณฺณาทีหิ อสทิสํ หุตฺวา ปญฺาเยยฺย. ตสฺมา น ตํ อตฺตโน, น ปรสฺส, อาทาสํ ปน นิสฺสาย นิภาสรูปํ นาม ตํ ปญฺายตีติ วทนฺติ. อถ ยํ อุทเก ปญฺายติ, ตํ เกน การเณนาติ? มหาภูตานํ วิสุทฺธตาย. ธมฺโม เม อภิสมิโตติ ๑- มยา าเณน จตุสจฺจธมฺโม อภิสมาคโต, ๒- โสตาปนฺโนสฺมิ ชาโตติ กเถสิ. ปมํ. ๒. ติสฺสสุตฺตวณฺณนา [๘๔] ทุติเย มธุรกชาโต วิยาติ สญฺชาตครุภาโว วิย อกมฺมญฺโ. ทิสาปิ เมติ อยํ ปุรตฺถิมา อยํ ทกฺขิณาติ เอวํ ทิสาปิ มยฺหํ น ปกฺขายนฺติ, น ปากฏา โหนฺตีติ วทติ. ธมฺมาปิ มํ น ปฏิภนฺตีติ ปริยตฺติธมฺมาปิ มยฺหํ @เชิงอรรถ: ๑ สี., ก. อภิสเมโตติ ๒ ก. อภิสมฺมโตเนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๓๓๗. http://84000.org/tipitaka/read/attha_page.php?book=12&page=337&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=7442&pagebreak=1 http://84000.org/tipitaka/atthapali/th_line.php?B=12&A=7442&pagebreak=1#p337
จบการแสดงผล หน้าที่ ๓๓๗.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]