อรรถกถาเล่มที่ ๑๒ หน้าที่ ๓๓๒.

ทสฺสนตฺถํ อารทฺธํ. อนิมิตฺตํ วา สมาธินฺติ วิปสฺสนาสมาธึ. โส หิ นิจฺจนิมิตฺตาทีนํ สมุคฺฆาตเนน อนิมิตฺโตติ วุจฺจติ. เอตฺถ จ จตฺตาโร สติปฏฺานา มิสฺสกา, อนิมิตฺตสมาธิ ปุพฺพภาโค. อนิมิตฺตสมาธิ วา มิสฺสโก, สติปฏฺานา ปุพฺพภาคาติ เวทิตพฺโพ. เทฺวมา ภิกฺขเว ทิฏฺิโยติ อิทํ ปน น เกวลํ อนิมิตฺตสมาธิภาวนา อิเมสํเยว ติณฺณํ มหาวิตกฺกานํ ปหานาย สํวตฺตติ, สสฺสตุจฺเฉททิฏฺีนมฺปิ ปน สมุคฺฆาตํ กโรตีติ ทสฺสนตฺถํ วุตฺตํ. น วชฺชวา อสฺสนฺติ นิทฺโทโส ภเวยฺยํ. เสสเมตฺถ อุตฺตานเมว. อิติ ภควา อิมสฺมิมฺปิ สุตฺเต เทสนํ ตีหิ ภเวหิ วินิวตฺเตตฺวา อรหตฺเตน กูฏํ คณฺหิ. เทสนาวสาเน ปญฺจสตา ภิกฺขู สห ปฏิสมฺภิทาหิ อรหตฺตํ ปาปุณึสูติ. อฏฺมํ. ๙. ปาลิเลยฺยสุตฺตวณฺณนา [๘๑] นวเม จาริกํ ปกฺกามีติ โกสมฺพิกานํ ภิกฺขูนํ กลหกาเล สตฺถา เอกทิวสํ ทีฆีติสฺส โกสลรญฺโ วตฺถุํ อาหริตฺวา "น หิ เวเรน เวรานิ, สมฺมนฺตีธ กุทาจนนฺ"ติอาทีหิ ^๑- คาถาหิ โอวทติ. ตํทิวสํ เตสํ กลหํ กโรนฺตานํเยว รตฺติ วิภาตา. ทุติยทิวเสปิ ภควา ตเมว วตฺถุํ กเถสิ. ตํทิวสมฺปิ เตสํ กลหํ กโรนฺตานํเยว รตฺติ วิภาตา. ตติยทิวเสปิ ภควา ตเมว วตฺถุํ กเถสิ. อถ นํ อญฺตโร ภิกฺขุ เอวมาห "อปฺโปสฺสุกฺโก ภนฺเต ภควา ทิฏฺธมฺมสุขวิหารํ อนุยุตฺโต วิหรตุ, มยเมเตน ภณฺฑเนน กลเหน วิคฺคเหน วิวาเทน ปญฺายิสฺสามา"ติ. สตฺถา "ปริยาทิณฺณรูปจิตฺตา โข อิเม โมฆปุริสา, น อิเม สกฺกา สญฺาเปตุนฺ"ติ จินฺเตตฺวา "กึ มยฺหํ อิเมหิ, เอกจารวาสํ วสิสฺสามี"ติ โส ปาโตว @เชิงอรรถ: ^๑ ขุ.ธ. ๒๕/๕/๑๖

เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๓๓๒. http://84000.org/tipitaka/read/attha_page.php?book=12&page=332&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=7330&pagebreak=1 http://84000.org/tipitaka/atthapali/th_line.php?B=12&A=7330&pagebreak=1#p332