อรรถกถาเล่มที่ ๑๒ ภาษาบาลี อักษรไทย
สํ.อ. (สารตฺถ.๒)
หน้าที่ ๓๐๖.

อนตฺตา"ติอาทินยปฺปวตฺตํ อนตฺตลกฺขณสุตฺตํ อโวจ. ตตฺถ อนตฺตาติ ปุพฺเพ วุตฺเตหิ
จตูหิ การเณหิ อนตฺตา. ตํ กึ มญฺญถ ภิกฺขเวติ อิทํ กสฺมา อารทฺธํ? เอตฺตเกน
ฐาเนน อนตฺตลกฺขณเมว กถิตํ, น อนิจฺจทุกฺขลกฺขณานิ, อิทานิ ตานิ
ทสฺเสตฺวา สโมธาเนตฺวา ตีณิปิ ลกฺขณานิ ทสฺเสตุํ อิทมารทฺธนฺติ เวทิตพฺพํ.
ตสฺมาติ ยสฺมา อิเม ปญฺจกฺขนฺธา อนิจฺจา ทุกฺขา อนตฺตา, ตสฺมา. ยงฺกิญฺจิ
รูปนฺติอาทีสุ วิตฺถาเรน กถา วิสุทฺธิมคฺเค ปญฺญาภาวนาธิกาเร ขนฺธนิทฺเทเส
วุตฺตาว. เสสํ สพฺพตฺถ วุตฺตานุสาเรเนว เวทิตพฺพํ. อิมสฺมึ ปน สุตฺเต
อนตฺตลกฺขณเมว กถิตนฺติ. สตฺตมํ.
                         ๘. มหาลิสุตฺตวณฺณนา
    [๖๐] อฏฺฐเม เอกนฺตทุกฺขนฺติอาทีนิ ธาตุสํยุตฺเต วุตฺตนเยเนว. อฏฺฐมํ.
                        ๙. อาทิตฺตสุตฺตวณฺณนา
    [๖๑] นวเม อาทิตฺตนฺติ เอกาทสหิ อคฺคีหิ อาทิตฺตํ ปชฺชลิตํ. อิติ
ทวีสุปิ อิเมสุ สุตฺเตสุ ทุกฺขลกฺขณเมว กถิตํ. นวมํ.
                       ๑๐. นิรุตฺติปถสุตฺตวณฺณนา
    [๖๒] ทสเม นิรุตฺติโยว นิรุตฺติปถา, อถวา นิรุตฺติโย จ ตา นิรุตฺติวเสน
วิญฺญาตพฺพานํ อตฺถานํ ปถตฺตา ปถา จาติ นิรุตฺติปถา. เสสปททฺวเยปิ เอเสว
นโย. ตีณิปิ เจตานิ อญฺญมญฺญเววจนาเนวาติ เวทิตพฺพานิ. อสงฺกิณฺณาติ
อวิชหิตา, "โก อิเมหิ อตฺโถ"ติ วตฺวา อฉฑฺฑิตา. อสงฺกิณฺณปุพฺพาติ อตีเตปิ
น ชหิตปุพฺพา. น สงฺกียนฺตีติ เอตรหิปิ "กิเมเตหี"ติ น ฉฑฺฑิยนฺติ. น
สงฺกียิสฺสนฺตีติ อนาคเตปิ น ฉฑฺฑิยิสฺสนฺติ. อปฺปฏิกุฏฺฐาติ อปฺปฏิพาหิตา.
อตีตนฺติ อตฺตโน


เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๓๐๖.
http://84000.org/tipitaka/read/attha_page.php?book=12&page=306&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=12&A=6731&modeTY=2&pagebreak=1
http://84000.org/tipitaka/atthapali/th_line.php?B=12&A=6731&modeTY=2&pagebreak=1#p306