อรรถกถาเล่มที่ ๑๒ หน้าที่ ๓๐๕.

ติวิธูปปริกฺขี โหตีติ อิทํ "ขีณาสโว ยสฺมึ อารมฺมเณ สตตวิหาเรน วิหรติ, ตํ สตฺโต วา ปุคฺคโล วา น โหติ, ธาตุอาทิมตฺตเมว ปน โหตี"ติ เอวํ ขีณาสวสฺส สตตวิหารญฺจ, "อิเมสุ ธมฺเมสุ กมฺมํ กตฺวา อยํ อาคโต"ติ อาคมนียปฏิปทญฺจ ทสฺเสตุํ วุตฺตํ. ตตฺถ ธาตุโส อุปปริกฺขตีติ ธาตุสภาเวน ปสฺสติ โอโลเกติ. เสสปททฺวเยปิ เอเสว นโย. ปญฺจมํ. ๖. สมฺมาสมฺพุทฺธสุตฺตวณฺณนา [๕๘] ฉฏฺเฐ โก อธิปฺปยาโสติ โก อธิกปโยโค. อนุปฺปนฺนสฺสาติ อิมญฺหิ มคฺคํ กสฺสปสมฺมาสมฺพุทฺโธ อุปฺปาเทสิ, อนฺตรา อญฺโญ สตฺถา อุปฺปาเทตุํ นาสกฺขิ, อิติ ภควา อนุปฺปนฺนสฺส มคฺคสฺส อุปฺปาเทตา นาม. นคโรปมสฺมึ หิ อวฬญฺชนฏฺฐาเนสุ ปุราณมคฺโค ชาโต, อิธ อวตฺตมานฏฺเฐน อนุปฺปนฺนมคฺโค นาม. อสญฺชาตสฺสาติ ตสฺเสว เววจนํ. อนกฺขาตสฺสาติ อกถิตสฺส. มคฺคํ ชานาตีติ มคฺคญฺญู. มคฺคํ วิทิตํ ปากฏํ อกาสีติ มคฺควิทู. มคฺเค จ อมคฺเค จ โกวิโทติ มคฺคามคฺคโกวิโท. ^๑- มคฺคานุคาติ มคฺคํ อนุคจฺฉนฺตา. ปจฺฉา สมนฺนาคตาติ อหํ ปฐมํ คโต, สาวกา ปจฺฉา สมนฺนาคตา. ฉฏฺฐมํ. ๗. อนตฺตลกฺขณสุตฺตวณฺณนา [๕๙] สตฺตเม ปญฺจวคฺคิเยติ อญฺญาโกณฺฑญฺญตฺเถราทิเก ปญฺจชเน ปุราณุปฏฺฐาเก. อามนฺเตสีติ อาสฬฺหปุณฺณมทิวเส ธมฺมจกฺกปฺปวตฺตนโต ปฏฺฐาย อนุกฺกเมน โสตาปตฺติผเล ปติฏฺฐิเต ^๒- "อิทานิ เนสํ อาสวกฺขยาย ธมฺมํ เทเสสฺสามี"ติ ปญฺจมิยา ปกฺขสฺส อามนฺเตสิ. เอตทโวจาติ เอตํ "รูปํ ภิกฺขเว @เชิงอรรถ: ^๑ ฉ.ม. มคฺคโกวิโท ^๒ ม. เตสุ ปติฏฺฐิเตสุ

เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๓๐๕. http://84000.org/tipitaka/read/attha_page.php?book=12&page=305&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=6711&modeTY=2&pagebreak=1 http://84000.org/tipitaka/atthapali/th_line.php?B=12&A=6711&modeTY=2&pagebreak=1#p305