ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๒ ภาษาบาลี อักษรไทย สํ.อ. (สารตฺถ.๒)

หน้าที่ ๒๙๔.

สุตฺตํ อปฺปฏิพาเหตฺวา สุตฺตเมว ปมาณํ กตฺตพฺพํ. ฉฏฺฐํ อุตฺตานตฺถเมว.
ปญฺจมฉฏฺฐานิ.
                      ๗-๑๐. อนุธมฺมสุตฺตาทิวณฺณนา
    [๓๙-๔๒] สตฺตเม ธมฺมานุธมฺมปฏิปนฺนสฺสาติ นวนฺนํ โลกุตฺตรธมฺมานํ
อนุโลมธมฺมํ ปุพฺพภาคปฏิปทํ ปฏิปนฺนสฺส. อยมนุธมฺโมติ อยํ อนุโลมธมฺโม โหติ.
นิพฺพิทาพหุโลติ อุกฺกณฺฐณพหุโล หุตฺวา. ปริชานาตีติ ตีหิ ปริญฺญาหิ ปริชานาติ.
ปริมุจฺจตีติ อุกฺกณฺฐณพหุโล มคฺคกฺขเณ อุปฺปนฺนาย ปหานปริญฺญาย ปริมุจฺจติ. เอวํ
อิมสฺมึ สุตฺเต มคฺโคว ๑- กถิโต โหติ, ตถา อิโต ปเรสุ ตีสุ. อิธ ปน อนุปสฺสนา
อนิยมิตา, เตสุ นิยมิตา. ตสฺมา อิธาปิ สา ตตฺถ นิยมิตวเสเนว นิยเมตพฺพา.
น หิ สกฺกา ตีสุ อญฺญตรํ อนุปสฺสนํ วินา นิพฺพินฺทิตุํ ปริชานิตุํ วาติ.
สตฺตมาทีนิ.
                        นตุมฺหากวคฺโค จตุตฺโถ.
                         ---------------
                           ๕. อตฺตทีปวคฺค
                        ๑. อตฺตทีปสุตฺตวณฺณนา
    [๔๓] อตฺตทีปวคฺคสฺส ปฐเม อตฺตทีปาติ อตฺตานํ ทีปํ ตาณํ เลณํ
คตึ ปรายนํ ปติฏฺฐํ กตฺวา วิหรถาติ อตฺโถ. อตฺตสรณาติ อิทํ ตสฺเสว เววจนํ.
อนญฺญสรณาติ อิทํ อญฺญสฺส สรณํ ปฏิกฺเขปวจนํ. น อญฺโญ อญฺญสฺส
สรณํ โหติ อญฺญสฺส วายาเมน อญฺญสฺส สมิชฺฌนโต วุตฺตมฺปิ เจตํ:-
@เชิงอรรถ:  สี. มคฺโค



เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๒๙๔. http://84000.org/tipitaka/read/attha_page.php?book=12&page=294&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=6470&modeTY=2&pagebreak=1 http://84000.org/tipitaka/atthapali/th_line.php?B=12&A=6470&modeTY=2&pagebreak=1#p294


จบการแสดงผล หน้าที่ ๒๙๔.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]