อรรถกถาเล่มที่ ๑๒ ภาษาบาลี อักษรไทย
สํ.อ. (สารตฺถ.๒)
หน้าที่ ๒๙๒.

อนฺโตสารํ พหิเผคฺคุ ขทิรสาลสากปนสาทิ. ๑- สาขา นาม รุกฺขสฺส พาหา วิย
นิกฺขนฺตา. ปลาสํ นาม ตาลนาฬิเกรปณฺณาทิ. ปมํ.
                      ๒. ทุติยนตุมฺหากสุตฺตวณฺณนา
    [๓๔] ทุติยํ วินา อุปมาย พุชฺฌนกานํ อชฺฌาสเยน วุตฺตํ. ทุติยํ.
                       ๓. อญฺตรภิกฺขุสุตฺตวณฺณนา
    [๓๕] ตติเย รูปญฺเจ ภนฺเต อนุเสตีติ ยทิ รูปํ อนุเสติ. เตน สงฺขํ
คจฺฉตีติ กามราคาทีสุ เยน อนุ ตํ รูปํ อนุเสติ, เตเนว อนุสเยน "รตฺโต
ทุฏฺโ มูโฬฺห"ติ ปญฺตฺตึ คจฺฉติ. น เตน สงฺขํ คจฺฉตีติ เตน อภูเตน
อนุสเยน "รตฺโต ทุฏฺโ มูโฬฺห"ติ สงฺขํ น คจฺฉตีติ. ตติยํ.
                     ๔. ทุติยอญฺตรภิกฺขุสุตฺตวณฺณนา
    [๓๖] จตุตฺเถ ตํ อนุมียตีติ ตํ อนุสยิตํ รูปํ มรนฺเตน อนุสเยน
อนุมรติ. น หิ อารมฺมเณ วิชฺชมาเน ตทารมฺมณา ธมฺมา ติฏฺนฺติ. ยํ
อนุมียตีติ ยํ รูปํ เยน อนุสเยน อนุมรติ. เตน สงฺขํ คจฺฉตีติ เตน อนุสเยน
"รตฺโต ทุฏฺโ มูโฬฺห"ติ สงฺขํ คจฺฉติ. อถวา ยนฺติ กรณวจนเมตํ, เยน อนุสเยน
อนุมียติ เตน "รตฺโต ทุฏฺโ มูโฬฺห"ติ สงฺขํ คจฺฉตีติ อตฺโถ. จตุตฺถํ.
                      ๕-๖. อานนฺทสุตฺตาทิวณฺณนา
    [๓๗-๓๘] ปญฺจเม ิตสฺส อญฺถตฺตํ ปญฺายตีติ ธรมานสฺส ชีวมานสฺส
ชรา ปญฺายติ. ิตีติ หิ ชีวิตินฺทฺริยสงฺขาตาย อนุปาลนาย นามํ. อญฺถตฺตนฺติ
ชราย. เตนาหุ โปราณา:-
@เชิงอรรถ: ๑ ก. ขทิรสาลปิยาลาทิ


เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๒๙๒.
http://84000.org/tipitaka/read/attha_page.php?book=12&page=292&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=12&A=6427&pagebreak=1
http://84000.org/tipitaka/atthapali/th_line.php?B=12&A=6427&pagebreak=1#p292