อรรถกถาเล่มที่ ๑๒ ภาษาบาลี อักษรไทย
สํ.อ. (สารตฺถ.๒)
หน้าที่ ๒๘๙.

                   ๑๐-๑๑. กาลตฺตยทุกฺขสุตฺตาทิวณฺณนา
    [๑๐-๑๑] ทสเมกาทสมานิ ทุกฺขํ อนตฺตาติ ปเทหิ วิเสเสตฺวา ตถารูเปเนว
ปุคฺคลชฺฌาสเยน กถิตานีติ. ทสเมกาทสมานิ.
                         นกุลปิตุวคฺโค ปฐโม.
                          ------------
                           ๒. อนิจฺจวคฺค
                      ๑-๑๐. อนิจฺจสุตฺตาทิวณฺณนา
    [๑๒-๒๑] อนิจฺจวคฺเค ปริโยสานสุตฺตํ ปุจฺฉาวสิกํ, เสสานิ ตถา ตถา
พุชฺฌนกานญฺจ วเสน เทสิตานีติ. ปฐมาทีนิ.
                         อนิจฺจวคฺโค ทุติโย.
                          -------------
                            ๓. ภารวคฺค
                         ๑. ภารสุตฺตวณฺณนา
    [๒๒] ภารวคฺคสฺส ปฐเม ปญฺจุปาทานกฺขนฺธาติสฺส วจนียนฺติ ปญฺจุปาทานกฺขนฺธา
อิติ อสฺส วจนียํ, เอวํ วตฺตพฺพํ ภเวยฺยาติ อตฺโถ. อยํ วุจฺจติ ภิกฺขเว ภาโรติ เย
อิเม ปญฺจุปาทานกฺขนฺธา, อยํ ภาโรติ วุจฺจติ. เกนฏฺเฐนาติ? ปริหารภาริยฏฺเฐน.
เอเตสญฺหิ ฐาปนคมนนิสีทาปนนิสชฺชาปนมณฺฑนขาทาปนภุญฺชาปนาทิปริหาโร ภาริโยติ
ปริหารภาริยฏฺเฐน ภาโรติ วุจฺจติ. เอวํนาโมติ ติสฺโส ทตฺโตติอาทินาโม.
เอวํโคตฺโตติ กณฺหายโน วจฺฉายโนติอาทิโคตฺโต. อิติ โวหารมตฺตสิทฺธํ ปุคฺคลํ
"ภารหาโร"ติ กตฺวา ทสฺเสติ. ปุคฺคโล


เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๒๘๙.
http://84000.org/tipitaka/read/attha_page.php?book=12&page=289&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=12&A=6368&modeTY=2&pagebreak=1
http://84000.org/tipitaka/atthapali/th_line.php?B=12&A=6368&modeTY=2&pagebreak=1#p289