ATTHAKATHA Book 12 : PALI ROMAN
Sam.A. (sarattha.2)
Page 287.

                     4. Dutiyahaliddikanisuttavannana
    [4] Catutthe sakkapanheti culasakkapanhepi, mahasakkapanhepetam vuttameva.
Tanhasankhayavimuttati tanhasankhaye nibbane tadarammanaya phalavimuttiya vimutta.
Accantanitthati antam atikkantanittha satatanittha sesapadesupi eseva nayo.
Catuttham.
                         5. Samadhisuttavannana
    [5] Pancame samadhinti idam bhagava te bhikkhu cittekaggataya parihayante
disva "cittekaggatam labhantanam imesam kammatthanam phatim gamissati"ti 1- natva
aha. Abhinandatiti pattheti. Abhivadatiti taya abhinandanaya "aho piyam ittham
kantam manapan"ti vadati. Vacam abhindantopi ca tam arammanam nissaya evam lobham
uppadento abhivadatiyeva nama. Ajjhosaya titthatiti gilitva parinitthapetva
ganhati. Ya rupe nanditi ya sa rupe balavapatthanasankhata nandi. Tadupadananti
tam gahanatthena upadanam. Nabhinandatiti na pattheti. Nabhivadatiti patthanavasena
na "ittham kantan"ti vadati. Vipassanacittena cetasa "aniccam dukkhan"ti vacibhedam
karontopi nabhivadatiyeva. Pancamam.
                       6. Patisallanasuttavannana
    [6] Chatthe patisallaneti 2- idam bhagava te bhikkhu kayavivekena parihayante
disva "kayavivekam labhantanam imesam kammatthanam phatim 3- gamissati"ti natva
aha. Chattham.
@Footnote: 1 Si.,Ma. phati bhavissatiti
@2 Si.,ka. patisallaneti   3 Si.,Ma. thitim


The Pali Atthakatha in Roman Character Volume 12 Page 287.
http://84000.org/tipitaka/read/attha_page.php?book=12&page=287&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=12&A=6325&modeTY=2&pagebreak=1
http://84000.org/tipitaka/atthapali/rm_line.php?B=12&A=6325&modeTY=2&pagebreak=1#p287