Hi etani suttani desitani, attho pana sabbattha sadisoyeva. Sabbabodhisattanam
hi bodhipallanke nisinnanam na anno samano va brahmano va devo va
maro va brahma va acikkhati "atite bodhisatta paccayakaram sammasitva buddha
jata"ti. Yatha pana pathamakappikakale deve vutthe udakassa gatamaggeneva
aparaparam vutthiudakampi gacchati, evam tehi tehi purimabuddhehi gatamaggeneva pacchima
pacchima gacchanti. Sabbabodhisatta hi anapanacatutthajjhanato vutthaya paccayakare
nanam otaretva tam anulomapatilomam sammasitva buddha hontiti patipatiya
sattasu suttesu buddhavipassana nama kathitati.
Buddhavaggo pathamo.
-------------
2. Aharavagga
1. Aharasuttavannana
[11] Aharavaggassa pathame aharati. Paccaya. Paccaya hi aharanti attano
phalam, 1- tasma aharati vuccanti. Bhutanam va sattanantiadisu bhutati jata
nibbatta. Sambhavesinoti ye sambhavam jatim nibbattim esanti gavesanti. Tattha
catusu yonisu andaja jalabuja satta yava andakosam vatthikosanca na
bhindanti, tava sambhavesino nama, andakosam vatthikosanca bhinditva bahi nikkhanta
bhuta nama. Samsedaja opapatika ca pathamacittakkhane sambhavesino nama,
dutiyacittakkhanato pabhuti bhuta nama. Yena va iriyapathena jayanti, yava tato
annam na papunanti, tava sambhavesino nama, tato param bhuta nama. Athava
bhutati jata abhinibbatta, ye bhuta abhinibbattayeva, na puna bhavissantiti
@Footnote: 1 katthaci balanti likhiyati
The Pali Atthakatha in Roman Character Volume 12 Page 26.
http://84000.org/tipitaka/read/attha_page.php?book=12&page=26&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=12&A=568&modeTY=2&pagebreak=1
http://84000.org/tipitaka/atthapali/rm_line.php?B=12&A=568&modeTY=2&pagebreak=1#p26
