ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๒ ภาษาบาลี อักษรไทย สํ.อ. (สารตฺถ.๒)

หน้าที่ ๒๕๔.

โอตริตฺวา ปฐมยามํ จงฺกมนฺติ. ตโต "มา จิรํ นิทฺทายิมฺหา"ติ สรีรทรถวิโนทนตฺถํ
นิปชฺชนฺตา กฏฺฐขณฺฑํ อุปทหิตฺวา นิปชฺชนฺติ, เต ปุน ปจฺฉิมยาเม วุฏฺฐาย
จงฺกมํ โอตรนฺติ. เต ๑- สนฺธาย อิทํ วุตฺตํ. อยมฺปิ ทีโป ติณฺณํ ราชูนํ กาเล
เอกคณฺฑินิคฺโฆโส เอกปธานภูมิ อโหสิ. นานามุเข ๒- ปหฏคณฺฑิ ปิลิจฺฉิโกฬิยํ
โอสรติ, กลฺยาณิยํ ปหฏคณฺฑิ นาคทีเป โอสรติ. "อยํ ภิกฺขุ ปุถุชฺชโน, อยํ
ปุถุชฺชโน"ติ องฺคุลึ ปสาเรตฺวา ทสฺเสตพฺโพ อโหสิ. เอกทิวสํ สพฺเพ อรหนฺโตว
อเหสุํ. ตสฺมาติ ยสฺมา กลิงฺครูปปธานานํ มาโร อารมฺมณํ น ลภติ, ตสฺมา. อฏฺฐมํ.
                         ๙. นาคสุตฺตวณฺณนา
    [๒๓๑] นวเม อติเวลนฺติ อติกฺกนฺตเวลํ กาลํ อติกฺกนฺตปฺปมาณํ กาลํ.
กิมงฺคํ ปหานนฺติ อหํ ปน กึ การณา น อุปสงฺกมิสฺสามิ, ภิสมูฬาลนฺติ
ภิสญฺเจว มุลาลญฺจ. อพฺภุคฺคเหตฺวาติ ๓- อุทฺธริตฺวา. ภิงฺกจฺฉาปาติ หตฺถิโปตกา.
เต กิร อภิณฺหํ ภิงฺการสทฺทํ กโรนฺติ, ตสฺมา ภิงฺกจฺฉาปาติ วุจฺจนฺติ.
ปสนฺนาการํ กโรนฺตีติ ปสนฺเนหิ กตฺตพฺพาการํ กโรนฺติ, จตฺตาโร ปจฺจเย
เทนฺติ. ธมฺมํ ภาสนฺตีติ เอกํ เทฺว ชาตกานิ วา สุตฺตนฺเต วา อุคฺคณฺหิตฺวา
อสมฺภินฺเนน สทฺเทน ธมฺมํ เทเสนฺติ. ปสนฺนาการํ กโรนฺตีติ เตสํ ตาย
เทสนาย ปสนฺนา คิหีปจฺจเย เทนฺติ. เนว วณฺณาย โหติ น พลายาติ เนว
คุณวณฺณาย, น ญาณพลาย โหติ, คุณวณฺเณ ปน ปริหายนฺเต สรีรวณฺโณปิ
สรีรพลมฺปิ ปริหายติ, ตสฺมา สรีรสฺส เนว วณฺณาย น พลาย โหติ. นวมํ.
                        ๑๐. พิฬารสุตฺตวณฺณนา
    [๒๓๒] ทสเม สนฺธิสมลสงฺกฬีเรติ เอตฺถ สนฺธีติ ภินฺนฆรานํ สนฺธิ,
สมโลติ คามโต คูถนิกฺขมนมคฺโค สงฺกฬีรนฺติ สงฺการฏฺฐานํ. มุทุมูสินฺติ มุทุกํ
มูสิกํ. วุฏฺฐานํ ปญฺญายตีติ เทสนา ปญฺญายติ. ทสมํ.
@เชิงอรรถ:  อิ. ตํ       ม. ฐานมุเขน      ฉ.ม. อพฺพุเหตฺวาติ, อิ. อพฺพาหิตฺวาติ



เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๒๕๔. http://84000.org/tipitaka/read/attha_page.php?book=12&page=254&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=5610&modeTY=2&pagebreak=1 http://84000.org/tipitaka/atthapali/th_line.php?B=12&A=5610&modeTY=2&pagebreak=1#p254


จบการแสดงผล หน้าที่ ๒๕๔.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]