อรรถกถาเล่มที่ ๑๒ หน้าที่ ๒๕๑.

รูปชีวิตินฺทฺริยํ สนฺธาย วุตฺตํ. ตโต สีฆตรํ ขียติ. อรูปธมฺมานํ ปน เภโท น สกฺกา ปญฺาเปตุํ. ฉฏฺ. ๗. อาณิสุตฺตวณฺณนา [๒๒๙] สตฺตเม ทสารหานนฺติ เอวํ นามกานํ ขตฺติยานํ. เต กิร สตโต ทสภาคํ คณฺหึสุ, ตสฺมา "ทสารหา"ติ ปญฺายึสุ. อานโกติ เอวํ ลทฺธนาโม มุทิงฺโค. หิมวนฺเต กิร มหากุฬีรทโห อโหสิ. ตตฺถ มหนฺโต กุฬีโร โอติณฺโณติณฺณํ หตฺถึ ขาทติ. อถ หตฺถี อุปทฺทุตา เอกํ กเรณุํ สกฺกรึสุ. "อิมิสฺสา ปุตฺตํ นิสฺสาย อมฺหากํ โสตฺถิ ภวิสฺสตี"ติ. สาปิ มเหสกฺขํ ปุตฺตํ วิชายิ. เต ตมฺปิ สกฺกรึสุ. โส จ วุฑฺฒึ ปตฺโต มาตรํ ปุจฺฉิ "กสฺมา มํ เอเต สกฺกโรนฺตี"ติ. สา ตํ ปวุตฺตึ อาจิกฺขิ. โส "กึ มยฺหํ กุฬีโร ปโหติ, เอถ คจฺฉามา"ติ มหาหตฺถิปริวาโร ตตฺถ คนฺตฺวา ปมเมว โอตริ. กุฬีโร อุทกสทฺเทเนว อาคนฺตฺวา ตํ อคฺคเหสิ. มหนฺโต กุฬีรสฺสอโฬ, โส ตํ อิโต วา เอโต วา จาเลตุํ อสกฺโกนฺโต มุเข โสณฺฑํ ปกฺขิปิตฺวา วิรวิ. หตฺถิโน "ยํ นิสฺสาย มยํ `โสตฺถิ ภวิสฺสตี'ติ อมญฺิมฺหา, โส ปมตรํ คหิโต"ติ ตโต ตโต ปลายึสุ. อถสฺส มาตา อวิทูเร ตฺวา "มยํ ถลนาคา ตุเมฺห อุทกนาคา นาม, นาเคหิ นาโค น วิเหเตพฺโพ"ติ กุฬีรํ ปิยวจเนน วตฺวา อิมํ คาถมาห:- "เย กุฬีรา สมุทฺทสฺมึ คงฺคาย ยมุนาย จ เตสํ ตฺวํ วาริโช เสฏฺโ มุญฺจ โรทนฺติยา ปชนฺ"ติ. ^๑- มาตุคามสทฺโท นาม ปุริเส โขเภตฺวา ติฏฺติ, ตสฺมา โส คหณํ สิถิลํ อกาสิ. หตฺถิโปโต เวเคน อุโภ ปาเท อุกฺขิปิตฺวา ตํ ปิฏฺิยํ อกฺกมิ. @เชิงอรรถ: ^๑ ขุ.ชา. ๒๗/๔๐๒/๑๐๘ (สฺยา)

เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๒๕๑. http://84000.org/tipitaka/read/attha_page.php?book=12&page=251&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=5540&pagebreak=1 http://84000.org/tipitaka/atthapali/th_line.php?B=12&A=5540&pagebreak=1#p251