บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Sam.A. (sarattha.2) Page 25.
Ca upapajjati cati idam aparaparam cutipatisandhivasena vuttam. Nissarananti nibbanam. Tam hi jaramaranadukkhato nissatatta tassa nissarananti vuccati. Kudassu namati katarasmim nu kho kale. Yonisomanasikarati upayamanasikarena pathamamanasikarena. Ahu pannaya abhisamayoti pannaya saddhim 1- jaramaranakaranassa abhisamayo samavayo samayogo ahosi, "jatipaccaya jaramaranan"ti idantena ditthanti attho. Athava yonisomanasikara ahu pannayati yonisomanasikarena ca pannaya ca abhisamayo ahu, "jatiya kho sati jaramaranan"ti evam jaramaranakaranassa pativedho ahositi attho. Esa nayo sabbattha. Iti hidanti evamidam. Samudayo samudayoti ekadasasu thanesu sankharadinam samudayam sampindetva niddisati. Pubbe ananussutesuti "avijjapaccaya sankhara avijjaya sankharanam samudayo hoti"ti 2- evam ito pubbe ananussutesu dhammesu catusu va ariyasaccadhammesu. Cakkhuntiadini nanavevacananeva. Nanameva hettha dassanatthena cakkhum, nanatthena 3- nanam, pajananatthena panna, pativedhanatthena vijja, obhasanatthena alokoti vuttam. Tam panetam catusu saccesu lokiyalokuttaramissakam nidditthanti veditabbam. Nirodhavarepi iminava nayena attho veditabbo. Catuttham ------------------------- 5-10. Sikhisuttadivannana [5-10] Pancamadisu sikhissa bhikkhavetiadinam padanam "sikhissapi bhikkhave"ti na evam yojetva attho vattabbo. Kasma? ekasane adesitatta. Nanathanesu @Footnote: 1 Si. sati 2 cha.Ma., i. avijjapaccaya sankharanam samudayo hoti 3 cha.Ma. natatthenaThe Pali Atthakatha in Roman Character Volume 12 Page 25. http://84000.org/tipitaka/read/attha_page.php?book=12&page=25&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=546&modeTY=2&pagebreak=1 http://84000.org/tipitaka/atthapali/rm_line.php?B=12&A=546&modeTY=2&pagebreak=1#p25
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]