ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๒ ภาษาบาลี อักษรไทย สํ.อ. (สารตฺถ.๒)

หน้าที่ ๒๔๒.

                         ๓. ปิณฺฑสุตฺตวณฺณนา
    [๒๐๔] มํสปิณฺฑวตฺถุสฺมึ สากุณิโกติ สกุเณ คเหตฺวา วิกฺกิณนกาเล
นิปฺปกฺขจมฺเม ๑- มํสปิณฺฑมตฺเต กตฺวา วิกฺกิณนฺโต ชีวิตํ กปฺเปสิ, เตนสฺส นรกา
จวนกาเล มํสปิณฺโฑว นิมิตฺตํ อโหสิ. โส มํสปิณฺฑเปโต ชาโต. ตติยํ.
                         ๔. นิจฺฉวิสุตฺตวณฺณนา
    [๒๐๕] นิจฺฉวิวตฺถุสฺมึ ตสฺส โอรพฺภิกสฺส เอฬเก วธิตฺวา ๒- นิจฺจมฺเม
กตฺวา กปฺปิตชีวิตสฺส ปุริมนเยเนว นิจฺจมฺมํ เอฬกสรีรํ นิมิตฺตํ อโหสิ. โส
นิจฺฉวิเปโต ชาโต. จตุตฺถํ.
                        ๕. อสิโลมสุตฺตวณฺณนา
    [๒๐๖] อสิโลมวตฺถุสฺมึ โส สูกริโก ทีฆรตฺตํ นิวาปวุฏฺเฐ ๓- สูกเร อสินา
วธิตฺวา ๒- ทีฆรตฺตํ ชีวิตํ กปฺเปสิ, ตสฺส อุกฺขิตฺตาสิกภาโวว นิมิตฺตํ อโหสิ.
ตสฺมา อสิโลมเปโต ชาโต. ปญฺจมํ.
                         ๖. สตฺติสุตฺตวณฺณนา
    [๒๐๗] สตฺติโลมวตฺถุสฺมึ โส มาควิโก เอกํ มิคญฺจ สตฺติญฺจ คเหตฺวา วนํ
คนฺตฺวา ตสฺส มิคสฺส สมีปํ อาคนฺตฺวา ฐิเต ๔- มิเค สตฺติยา วิชฺฌิตฺวา มาเรสิ,
ตสฺส สตฺติยา วิชฺฌนกภาโวเยว นิมิตฺตํ อโหสิ. ตสฺมา สตฺติโลมเปโต ชาโต. ฉฏฺฐํ.
                        ๗. อุสุโลมสุตฺตวณฺณนา
    [๒๐๘] อุสุโลมวตฺถุสฺมึ การณิโกติ ราชาปราธิเก อเนกาหิ การณาหิ
ปีเฬตฺวา อวสาเน กณฺเฑน วิชฺฌิตฺวา มารณกปุริโส. โส กิร "อมุกสฺมึ ปเทเส
@เชิงอรรถ:  ก. นิปฺปตฺตจมฺเม       ฉ.ม.,อิ. วธิตฺวา วธิตฺวา
@ ฉ.ม.,อิ. นิวาปปุฏฺเฐ   ฉ.ม.,อิ. อาคตาคเต



เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๒๔๒. http://84000.org/tipitaka/read/attha_page.php?book=12&page=242&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=5356&modeTY=2&pagebreak=1 http://84000.org/tipitaka/atthapali/th_line.php?B=12&A=5356&modeTY=2&pagebreak=1#p242


จบการแสดงผล หน้าที่ ๒๔๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]