ATTHAKATHA Book 12 : PALI ROMAN
Sam.A. (sarattha.2)
Page 233.

                     7. Tatiyasamanabrahmanasuttavannana
    [176] Sattame samudayantiadisu saha pubbakammena attabhavo kolaputtiyam
vannapokkharata kalyanavakkaranata dhutaganavikaranam civaradharanam parivarasampattiti
evamadi labhasakkarassa samudayo nama, tam samudayasaccavasena nappajanati, nirodho
ca patipada ca nirodhasaccamaggasaccavaseneva veditabba. Sattamam.
                          8. Chavisuttavannana
    [177] Atthame yasma labhasakkarasiloko narakadisu nibbattento
sakalampi imam attabhavam naseti, idhapi maranampi maranamattampi dukkham avahati,
tasma chavim chindatitiadi vuttam. Atthamam.
                         9. Rajjusuttavannana
    [178] Navame valirajjuyati suttadimaya rajju muduka hoti valirajju
kharapharusa, tasma ayameva gahita. Navamam.
                         10. Bhikkhusuttavannana
    [179] Dasame ditthadhammasukhaviharati phalasamapattisukhavihaRa. Tesahamassati
tesam aham assa. Khinasavo hi labhi punnasampanno yagukhajjakadini gahetva
agatagatanam anumodanam karonto dhammam desento panham vissajjento phalasamapattim
appetva nisiditum okasam na labhati, tam sandhaya vuttanti. Dasamam.
                           Tatiyo vaggo.
                          ------------
@Footnote: 1 ka. dhutaguna


The Pali Atthakatha in Roman Character Volume 12 Page 233.
http://84000.org/tipitaka/read/attha_page.php?book=12&page=233&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=12&A=5192&modeTY=2&pagebreak=1
http://84000.org/tipitaka/atthapali/rm_line.php?B=12&A=5192&modeTY=2&pagebreak=1#p233