บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๒ ภาษาบาลี อักษรไทย สํ.อ. (สารตฺถ.๒) หน้าที่ ๒๒๙.
อคมาสิ. ปปตายาติ ปปตา วุจฺจติ ทีฆรชฺชุกพทฺโธ ๑- โกสเก ๒- ทณฺฑกํ ปเวเสตฺวา คหิโต กณฺณิกสลฺลสณฺฐาโน อยกณฺฑโก, ๓- ยสฺมึ เวเคน ปติตฺวา กฏาเห ลคฺคมตฺเต กณฺฑโก นิกฺขมติ, รชฺชุโก เอกาพทฺโธ คจฺฉเตว. โส กุมฺโมติ โส วิทฺธกุมฺโม. ๔- เยน โส กุมฺโมติ อุทกสทฺทํ สุตฺวา สาสงฺกฏฺฐานํ ภวิสฺสตีติ นิวตฺติตฺวา เยน โส อตฺถกาโม กุมฺโม. นทานิ ตฺวํ อมฺหากนฺติ อิทานิ ตฺวํ อมิตฺตหตฺถํ คโต, น อมฺหากํ สนฺตโกติ อตฺโถ. เอวํ สลฺลปนฺตานํเยว จ เนสํ นาวาย ฐิโต ลุทฺโท รชฺชุกํ อากฑฺฒิตฺวา กุมฺมํ คเหตฺวา ยถากามํ อกาสิ. เสสเมตฺถ อิโต อนนฺตรสุตฺเต จ อุตฺตานเมว. ตติยจตุตฺถานิ. ๕. มีฬฺหกสุตฺตวณฺณนา [๑๖๑] ปญฺจเม กํสฬกาติ ๕- คูถปาณกา. คูถาทีติ คูถภกฺขา. คูถปูราติ อนฺโต คูเถน ปูริตา. ๖- ปุณฺณา คูถสฺสาติ อิทํ ปุริมสฺเสว อตฺถทีปนํ. อติมญฺเญยฺยาติ ปจฺฉิมปาเท ภูมิยํ ฐเปตฺวา ปุริมปาเท คูถสฺส อุปริ อาโรเปตฺวา ฐิตา "อหมฺหิ คูถาที"ติ ภณนฺตี อติมญฺเญยฺย. ปิณฺฑปาโตปสฺส ๗- ปูโรติ อปโรปิสฺส ปตฺตปูโร ปณีตปิณฺฑปาโต ภเวยฺย. ปญฺจมํ. ๖. อสนิสุตฺตวณฺณนา [๑๖๒] ฉฏฺเฐ กํ ภิกฺขเว อสนิวิจกฺกนฺติ ภิกฺขเว กํ ปุคฺคลํ มตฺถเก ปติตฺวา มทฺทมานํ ๘- สุกฺกาสนิจกฺกํ อาคจฺฉตุ. อปฺปตฺตมานสนฺติ อนธิคตารหตฺตํ. @เชิงอรรถ: ๑ สี. ทีฆรชฺชุกพทฺธ, อิ. ทีฆรชฺชุกโกฏฺฐาสเก ๒ ฉ.ม. อยกนฺตโกสเก, ฏีกา. อยโกสเก @๓ ฉ.ม,.อิ. อยกณฺฏโก ๔ สี. พิฬกุมฺโม, ม. พฬิสกุมฺโม @๕ ฉ.ม.,อิ. มีฬฺหกาติ ๖ ฉ.ม. ภริตา, อิ. อหิตา @๗ ฉ.ม.,อิ.....จสฺส ๘ ม. ปตมานํเนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๒๒๙. http://84000.org/tipitaka/read/attha_page.php?book=12&page=229&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=5111&modeTY=2&pagebreak=1 http://84000.org/tipitaka/atthapali/th_line.php?B=12&A=5111&modeTY=2&pagebreak=1#p229
จบการแสดงผล หน้าที่ ๒๒๙.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]