บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Saṃ.A. (sārattha.2) Page 229.
Agamāsi. Papatāyāti papatā vuccati dīgharajjukabaddho 1- kosake 2- daṇḍakaṃ pavesetvā gahito kaṇṇikasallasaṇṭhāno ayakaṇḍako, 3- yasmiṃ vegena patitvā kaṭāhe laggamatte kaṇḍako nikkhamati, rajjuko ekābaddho gacchateva. So kummoti so viddhakummo. 4- Yena so kummoti udakasaddaṃ sutvā sāsaṅkaṭṭhānaṃ bhavissatīti nivattitvā yena so atthakāmo kummo. Nadāni tvaṃ amhākanti idāni tvaṃ amittahatthaṃ gato, na amhākaṃ santakoti attho. Evaṃ sallapantānaṃyeva ca nesaṃ nāvāya ṭhito luddo rajjukaṃ ākaḍḍhitvā kummaṃ gahetvā yathākāmaṃ akāsi. Sesamettha ito anantarasutte ca uttānameva. Tatiyacatutthāni. 5. Mīḷhakasuttavaṇṇanā [161] Pañcame kaṃsaḷakāti 5- gūthapāṇakā. Gūthādīti gūthabhakkhā. Gūthapūrāti anto gūthena pūritā. 6- Puṇṇā gūthassāti idaṃ purimasseva atthadīpanaṃ. Atimaññeyyāti pacchimapāde bhūmiyaṃ ṭhapetvā purimapāde gūthassa upari āropetvā ṭhitā "ahamhi gūthādī"ti bhaṇantī atimaññeyya. Piṇḍapātopassa 7- pūroti aparopissa pattapūro paṇītapiṇḍapāto bhaveyya. Pañcamaṃ. 6. Asanisuttavaṇṇanā [162] Chaṭṭhe kaṃ bhikkhave asanivicakkanti bhikkhave kaṃ puggalaṃ matthake patitvā maddamānaṃ 8- sukkāsanicakkaṃ āgacchatu. Appattamānasanti anadhigatārahattaṃ. @Footnote: 1 Sī. dīgharajjukabaddha, i. dīgharajjukakoṭṭhāsake 2 cha.Ma. ayakantakosake, ṭīkā. ayakosake @3 cha.ma,.i. ayakaṇṭako 4 Sī. biḷakummo, Ma. baḷisakummo @5 cha.Ma.,i. mīḷhakāti 6 cha.Ma. bharitā, i. ahitā @7 cha.Ma.,i.....cassa 8 Ma. patamānaṃThe Pali Atthakatha in Roman Character Volume 12 Page 229. http://84000.org/tipitaka/read/attha_page.php?book=12&page=229&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=5111&pagebreak=1 http://84000.org/tipitaka/atthapali/rm_line.php?B=12&A=5111&pagebreak=1#p229
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]