อรรถกถาเล่มที่ ๑๒ หน้าที่ ๒๒๗.

หายมานาย ปฏิปตฺติ หายติ, ปฏิปตฺติยา หายมานาย อธิคโม หายติ. ปริยตฺติยา ปูรยมานาย ปริยตฺติธรา ปุคฺคลา ปฏิปตฺตึ ปูเรนฺติ, ปฏิปตฺติปูรกา อธิคมํ ปูเรนฺติ. อิติ นวจนฺโท วิย ^๑- ปริยตฺติยาทีสุ วฑฺฒมานาสุ มยฺหํ สาสนํ วฑฺฒติเยวาติ ทสฺเสติ. อิทานิ เยหิ ธมฺเมหิ สทฺธมฺมสฺส อนฺตรธานญฺเจว ิติ จ โหติ, เต ทสฺเสนฺโต ปญฺจ โขติอาทิมาห. ตตฺถ โอกฺกมนิยาติ อวกฺกมนียา, เหฏฺาคมนียาติ อตฺโถ. สตฺถริ อคารวาติอาทีสุ อคารวาติ คารวรหิตา. อปฺปติสฺสาติ อปฺปติสฺสยา อนีจวุตฺติกา. ตตฺถ โย เจติยงฺคณํ อาโรหนฺโต ฉตฺตํ ธาเรติ, อุปาหนํ ธาเรติ, อญฺโต โอโลเกตฺวา กถํ กเถนฺโต คจฺฉติ, อยํ สตฺถริ อคารโว นาม. โย ธมฺมสฺสวนกาเล สงฺฆุฏฺเ ทหรสามเณเรหิ ปริวาริโต นิสีทติ, อญฺานิ วา นวกมฺมาทีนิ กโรติ, ธมฺมสฺสวนคฺเค นิสินฺโน นิทฺทายติ, วิกฺขิตฺโต วา อญฺ กเถนฺโต นิสีทติ, อยํ ธมฺเม อคารโว นาม. โย เถรุปฏฺานํ คนฺตฺวา อวนฺทิตฺวา นิสีทติ, หตฺถปลฺลตฺถิกํ วา ทุสฺสปลฺลตฺถิกํ กโรติ, อญฺ วา ปน ปตฺถปาทกุกฺกุจฺจํ กโรติ, วุฑฺฒานํ สนฺติเก อนชฺฌิฏฺโ กเถติ, อยํ สํเฆ อคารโว นาม. ติสฺโส ปน สิกฺขา อปูเรนฺโตว สิกฺขาย อคารโว นาม โหติ. อฏฺ สมาปตฺติโย อนิพฺพตฺเตนฺโต ตาสํ วา ปน นิพฺพตฺตนตฺถาย ปโยคํ อกโรนฺโต สมาธิสฺมึ อคารโว นาม. สุกฺกปกฺโข วุตฺตวิปลฺลาเสเนว เวทิตพฺโพติ. เตรสมํ. กสฺสปสํยุตฺตวณฺณนา นิฏฺิตา. -------------- @เชิงอรรถ: ^๑ ม. อฑฺฒจนนฺโท วิย

เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๒๒๗. http://84000.org/tipitaka/read/attha_page.php?book=12&page=227&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=5071&pagebreak=1 http://84000.org/tipitaka/atthapali/th_line.php?B=12&A=5071&pagebreak=1#p227