บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Sam.A. (sarattha.2) Page 181.
Miyamanava bahuka. Ettha ca kakusandho bhagava cattalisavassasahassayukakale, konagamano timsavassasahassayukakale nibbattoti idam anupubbena parihinasadisam katam, na pana evam parihinam, vaddhitva vaddhitva parihinanti veditabbam. Katham? kakusandho tava bhagava imasmimyeva kappe cattalisavassasahassayukakale nibbatto ayuppamanam panca kotthase katva cattaro thatva 1- pancame vijjamaneyeva parinibbuto. Tam 2- ayu parihayamanam dasavassakalam patva puna vaddhamanam asankhyeyyam hutva tam parihayamanam timsavassasahassayukakale thitam, tada konagamano nibbatto. Tasmimpi tatheva parinibbute tam ayu dasavassakalam puna vaddhamanam asankhyeyyam hutva parihayitva visavassasahassakale thitam, tada kassapo bhagava nibbatto. Tasmimpi tatheva parinibbute tam ayu dasavassakalam patva puna vaddhamanam asankhyeyyam hutva parihayitva vassasatakalam pattam, atha amhakam sammasambuddho nibbatto. Evam anupubbena parihayitva vaddhitva vaddhitva parihinanti veditabbam. Tattha ca yam ayuparimanesu manussesu buddha nibbattanti, tesampi tadeva ayuparimanam hotiti. Dasamam. Dutiyo vaggo. Anamataggasamyuttavannana nitthita. -------------- @Footnote: 1 Si. khepetva 2 cha.Ma.,i. tatoThe Pali Atthakatha in Roman Character Volume 12 Page 181. http://84000.org/tipitaka/read/attha_page.php?book=12&page=181&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=4026&modeTY=2&pagebreak=1 http://84000.org/tipitaka/atthapali/rm_line.php?B=12&A=4026&modeTY=2&pagebreak=1#p181
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]