ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๒ ภาษาบาลี อักษรไทย สํ.อ. (สารตฺถ.๒)

หน้าที่ ๑๗๖.

                          ๔. อนมตคฺคสํยุตฺต
                            ๑. ปฐมวคฺค
                        ๑. ติณกฏฺฐสุตฺตวณฺณนา
    [๑๒๔] อนมตคฺคสํยุตฺตสฺส. ปฐเม อนมตคฺโคติ อนุอมตคฺโค, วสฺสสตํ วสฺสสหสฺสํ
ญาเณน อนุคนฺตฺวาปิ อมตคฺโค อวิทิตคฺโค, นาสฺส สกฺกา อิโต วา เอตฺโต วา
อคฺคํ ชานิตุํ, อปริจฺฉินฺนปุพฺพาปรโกฏิโกติ อตฺโถ. สํสาโรติ ขนฺธาทีนํ
อวิจฺฉินฺนปฺปวตฺตา ปฏิปาฏิ. ปุพฺพา โกฏิ น ปญฺญายตีติ ปุริมมริยาทา น ทิสฺสติ.
ยทคฺเคน จสฺส ปุริมา โกฏิ น ปญฺญายติ, ปจฺฉิมาปิ ตทคฺเคเนว น ปญฺญายติ,
เวมชฺเฌเยว ปน สตฺตา สํสรนฺติ. ๑- ปริยาทานํ คจฺเฉยฺยาติ อิทํ อุปมาย
ขุทฺทกตฺตา วุตฺตํ. พาหิรสมยสฺมึ หิ อตฺโถ ปริตฺโต โหติ, อุปมา มหตี. "หตฺถี
วิย อยํ โคโณ, โคโณ วิย สูกโร, สมุทฺโท วิย ตฬากนฺ"ติ หิ วุตฺเต น
เตสํ ตาทิสํ ปมาณํ โหติ. พุทฺธสมเย ปน อุปมา ปริตฺตา, อตฺโถ มหา.
ปาลิยํ หิ เอโก ชมฺพูทีโป คหิโต, เอวรูปานํ ปน ชมฺพูทีปานํ สเตปิ สหสฺเสปิ
สตสหสฺเสปิ ติณาทีนิ เตน อุปกฺกเมน ปริยาทานํ คจฺเฉยฺยุํ, น เตฺวว
ปุริสสฺส มาตุ มาตโรติ. ทุกฺขํ ปจฺจนุภูตนฺติ ตุเมฺหหิ ทุกฺขํ อนุภูตํ. ติพฺพนฺติ
ตสฺเสว เววจนํ. พฺยสนนฺติ ญาติพฺยสนาทิอเนกวิธํ. กฏสีติ สุสานํ, ปฐวีเยว วา.
สา หิ เตหิ ๒- ปุนปฺปุนํ มรนฺเตหิ สรีรนิกฺเขเปน วฑฺฒิตา. อลเมวาติ
ยุตฺตเมว. ปฐมํ.
                         ๒. ปฐวีสุตฺตวณฺณนา
    [๑๒๕] ทุติเย มหาปฐวินฺติ จกฺกวาฬปริยนฺตํ มหาปฐวึ. นิกฺขิเปยฺยาติ
ตํ ปฐวึ ภินฺทิตฺวา วุตฺตปฺปมาณํ คุฬิกํ กตฺวา เอกมนฺเต ๓- ฐเปยฺย. ทุติยํ.
@เชิงอรรถ:  สี.สงฺกมนฺติ    ฉ.ม.,อิ. อยํ ปาโฐ น ทิสฺสติ    ฉ.ม.,อิ. กริตฺวา เอกมนฺตํ



เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๑๗๖. http://84000.org/tipitaka/read/attha_page.php?book=12&page=176&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=3923&modeTY=2&pagebreak=1 http://84000.org/tipitaka/atthapali/th_line.php?B=12&A=3923&modeTY=2&pagebreak=1#p176


จบการแสดงผล หน้าที่ ๑๗๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]