Tesam tam tam niyamam acikkhati. Tena vuttam "sabbe kho ete bhikkhave bhikkhu
papiccha"ti.
Kasma panete avidure cankamimsuti. "devadatto satthari padutthacitto
anatthampi katum upakkameyya"ti arakkhaghanattham. Atha devadatto kasma
cankamiti. "akarako ayam, yadi karako bhaveyya, na idha agaccheyya"ti attana
katadosapaticchadanattham. Kim pana devadatto bhagavato anattham katum samattho, bhagavato va
arakkhakiccam atthiti. Natthi. Tena vuttam "atthanametam ananda anavakaso, yam
tathagato parupakkamena parinibbayeyya"ti. 1- Bhikkhu pana satthari garavena agata.
Teneva bhagava evam vatva "vissajjehi ananda bhikkhusamghan"ti vissajjapesi.
Pancamam.
6. Sagathasuttavannana
[100] Chatthe gutho guthena samsandati sametiti samuddantare janapadantare
cakkavalantare thitopi vannenapi gandhenapi rasenapi nanattam anupagacchanto
samsandati sameti, ekasadiso ceva hoti nirantaro ca. 2- Sesesupi eseva nayo.
Ayam pana anitthaupama hinajjhasayanam hinajjhasayassa sarikkhabhavadassanattham ahata,
khiradivisitthopama 3- kalyanajjhasayanam ajjhasayassa sarikkhabhavadassanattham.
Samsaggati dassanasavanasamsaggadivatthukena tanhasinehena. Vanatho jatoti
kilesavanam jatam. Asamsaggena chijjatiti ekato thananisajjadini akarontassa
asamsaggena adassanena chijjati. Sadhujiviti parisuddhajivitam jivamano. Sahavaseti
sahavasam vaseyya. Chattham.
@Footnote: 1 vi.cu. 7/341/132 2 cha.Ma., i. ekasadisova hoti nirantaro
@3 Ma. sankharanam itthopama, ka.khiradivitthopama
The Pali Atthakatha in Roman Character Volume 12 Page 159.
http://84000.org/tipitaka/read/attha_page.php?book=12&page=159&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=12&A=3556&modeTY=2&pagebreak=1
http://84000.org/tipitaka/atthapali/rm_line.php?B=12&A=3556&modeTY=2&pagebreak=1#p159
