บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Sam.A. (sarattha.2) Page 148.
2. Phassananattasuttavannana [86] Dutiye uppajjati phassananattanti nanasabhavo phasso uppajjati. Tattha cakkhusamphassadayo cakkhuvinnanadisampayutta, manosamphasso manodvare pathamajavanasampayutto, tasma manodhatum paticcati manodvaravajjanam kiriyamanovinnanadhatum paticca pathamajavanasamphasso uppajjatiti ayamettha attho. Dutiyam. 3. Nophassananattasuttavannana [87] Tatiye no manosamphassam paticca uppajjati manodhatuti manodvare pathamajavanasampayuttam phassam paticca avajjanakiriyamanovinnanadhatu no uppajjatiti evamattho datthabbo. Tatiyam. 4. Vedanananattasuttavannana [88] Catutthe cakkhusamphassaja vedanati sampaticchannamanodhatuto patthaya sabbapi tasmim dvare vedana vatteyyum, nibbattiphasukattham 1- pana anantaram sampaticchannavedanameva gahetum vattatiti vuttam. Manosamphassam paticcati manodvare avajjanasamphassam paticca pathamajavanavedana, pathamajavanasamphassam paticca dutiyajavanavedanati ayamadhippayo. Catuttham. 5. Dutiyavedanananattasuttavannana [89] Pancame tatiyacatutthesu vuttanayo ekato katva desito. 2- Iti dutiyadisu catusu suttesu manodhatum manodhatuti agahetva manodvaravajjanam manodhatuti gahitam. Sabbani cetani tatha tatha kathite bujjhanakanam ajjhasayena desitani. Ito paresupi eseva nayo. Pancamam. @Footnote: 1 Si.,i. nipphattiphasukattham 2 cha.Ma., i. vuttanayava ekato katva desitatiThe Pali Atthakatha in Roman Character Volume 12 Page 148. http://84000.org/tipitaka/read/attha_page.php?book=12&page=148&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=3308&modeTY=2&pagebreak=1 http://84000.org/tipitaka/atthapali/rm_line.php?B=12&A=3308&modeTY=2&pagebreak=1#p148
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]