Upanikkhipeyyati ekasmim thane thapeyya. Chatthadisu vuttanayeneva attho
veditabbo. Pariyosane pana annatitthiyasamanabrahmanaparibbajakanam adhigamoti
bahirakanam sabbopi gunadhigamo pathamamaggena adhigatagunanam satabhagampi sahassabhagampi
satasahassabhagampi na upagacchatiti. Pancamadini.
Abhisamayasamyuttavannana nitthita.
------------
3. Dhatusamyutta
1. Nanattavagga
1. Dhatunanattasuttavannana
[85] Nanattavaggassa 1- pathame nissattatthasunnatatthasankhatena sabhavatthena
dhatuti laddhanamanam dhammanam nanasabhavo dhatunanattam. Cakkhudhatutiadisu
cakkhupasado cakkhudhatu, ruparammanam rupadhatu, cakkhupasadavatthukam cittam
cakkhuvinnanadhatu. Sotapasado sotadhatu, saddarammanam saddadhatu, sotapasadavatthukam
cittam sotavinnanadhatu. ghanapasado ghanadhatu, gandharammanam gandhadhatu,
ghanapasadavatthukam cittam ghanavinnanadhatu. jivhapasado jivhadhatu, rasarammanam
rasadhatu, jivhapasadavatthukam cittam jivhavinnanadhatu. Kayapasado kayadhatu,
photthabbarammanam photthabbadhatu, kayapasadavatthukam cittam kayavinnanadhatu.
Tisso manodhatuyo manodhatu, vedanadayo tayo khandha sujumarupani nibbananca
dhammadhatu, sabbampi manovinnanam manovinnanadhatuti. Ettha ca solasa dhatuyo
kamavacara, avasane dve catubhumikati. Pathamam.
@Footnote: 1 cha. dhatusamyuttassa
The Pali Atthakatha in Roman Character Volume 12 Page 147.
http://84000.org/tipitaka/read/attha_page.php?book=12&page=147&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=12&A=3287&modeTY=2&pagebreak=1
http://84000.org/tipitaka/atthapali/rm_line.php?B=12&A=3287&modeTY=2&pagebreak=1#p147
