อรรถกถาเล่มที่ ๑๒ ภาษาบาลี อักษรไทย
สํ.อ. (สารตฺถ.๒)
หน้าที่ ๑๔๖.

ยํ ปมมคฺคสฺส อภาวิตตฺตา อุปฺปชฺเชยฺย. กตมํ ปน อุปนิธาย? ยํ สตฺตสุ
อตฺตภาเวสุ อปาเย อฏฺมญฺจ ปฏิสนฺธึ อาทึ กตฺวา ยตฺถ กตฺถจิ อุปฺปชฺเชยฺย, สพฺพํ
ตํ ปริกฺขีณนฺติ เวทิตพฺพํ. สตฺตกฺขตฺตุนฺติ สตฺต วาเร, สตฺตสุ อตฺตภาเวสูติ
อตฺโถ. ปรมตาติ อิทมสฺส ปรํ ปมาณนฺติ ๑- ทสฺเสติ. มหตฺถิโยติ มหโต
อตฺถสฺส นิปฺผาทโก. ปมํ.
                        ๒. โปกฺขรณีสุตฺตวณฺณนา
    [๗๕] ทุติเย โปกฺขรณีติ วาปี. อุพฺเพเธนาติ คมฺภีรตาย. สมติตฺติกาติ
มุขวฏฺฏิสมา. กากเปยฺยาติ สกฺกา โหติ ตีเร ิเตน กาเกน ปกติยาปิ มุขตุณฺฑิกํ
โอตาเรตฺวา ปาตุํ. ทุติยํ.
                      ๓. สํเภชฺชอุทกสุตฺตาทิวณฺณนา
    [๗๖-๗๗] ตติเย ยตฺถิมาติ ยสฺมึ สมฺภิชฺชฏฺาเน อิมา. สํสนฺทนฺตีติ
สมฺมา คนฺตฺวา ๒- สนฺทนฺติ. สเมนฺตีติ สมาคจฺฉนฺติ. เทฺว วา ตีณิ วาติ เทฺว
วา ตีณิ วา. อุทกผุสิตานีติ อุทกพินฺทูนิ. สมฺเภชฺชอุทกนฺติ อญฺาหิ นทีหิ
สทฺธึ สมฺภินฺนฏฺาเน อุทกํ. จตุตฺถํ อุตฺตานตฺถเมว. ตติยจตุตฺถานิ.
                        ๕. ปวีสุตฺตาทิวณฺณนา
    [๗๘-๘๔] ปญฺจเม มหาปวิยาติ จกฺกวาฬพฺภนฺตราย มหาปวิยา
อุทฺธริตฺวา. โกลฏฺิมตฺติโยติ พทรฏฺิปฺปมาณา. ๓- คุฬีกาติ มตฺติกคุฬิกา.
@เชิงอรรถ: ๑ สี.,อิ. ปริมาณนฺติ    ๒ ฉ.ม. สมาคนฺตฺวา, อิ. สห คนฺตฺวา
@๓ ฉ.ม., อิ. ปทรฏฺิปฺปมาณา


เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๑๔๖.
http://84000.org/tipitaka/read/attha_page.php?book=12&page=146&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=12&A=3268&pagebreak=1
http://84000.org/tipitaka/atthapali/th_line.php?B=12&A=3268&pagebreak=1#p146