Yam nissaya maggananam labhati, ayam sattha nama, so pariyesitabbo. Sikkha
karaniyati tivadhapi sikkha katabba. Yogadisu yogoti payogo. Chandoti
kattukamyatakusalacchando. Ussolhiti sabbasaham adhimattaviriyam. Appativaniti
anivattana. Atappanti kilesatapanaviriyam viriyameva. Sataccanti satatakiriyam.
Satiti jaramaranadivasena catusaccapariggahika sati. Sampajannanti tadisameva
nanam. Appamadoti saccabhavanaya appamado. Sesam sabbattha uttanamevati.
Antarapeyyalo navamo.
Nidanasamyuttavannana nitthita.
----------------
2. Abhisamayasamyutta
1. Nakhasikhasuttavannana
[74] Abhisamayavaggassa 1- pathame nakhasikhayati mamsatthanena vimutte
nakhagge. Nakhasikha ca nama lokiyanam mahatipi hoti, satthu pana rattuppalapattakoti
viya sukhuma. Katham panettha pamsu patitthitoti? adhitthanabalena. Bhagavata hi attham
napetukamena adhitthanabalena tattha patitthapito. Satimam kalanti mahapathaviya
pamsum satakotthase katva tato ekakotthasam. Paratopi eseva nayo. Abhisametavinoti
pannaya ariyasaccani abhisametva thitassa. Purimam dukkhakkhandham parikkhinam
pariyadinnam upanidhayati etadeva bahutaram dukkham, yadidam parikkhinanti evam pathamam
vuttam dukkhakkhandham upanidhaya, nanena tam tassa santike thapetva upaparikkhiyamanoti
attho. Katamam panettha purimam dukkham nama? yam parikkhinam. Katamam pana parikkhinam?
@Footnote: 1 cha.Ma., i. abhisamayasamyuttassa
The Pali Atthakatha in Roman Character Volume 12 Page 145.
http://84000.org/tipitaka/read/attha_page.php?book=12&page=145&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=12&A=3247&modeTY=2&pagebreak=1
http://84000.org/tipitaka/atthapali/rm_line.php?B=12&A=3247&modeTY=2&pagebreak=1#p145
