Nibbanadassanam, ghammabhitattapuriso viya anagami, udakavarako viya arahattamaggo,
yatha ghammabhitattapuriso udapane udakam passati, evam anagami paccavekkhanananena
"upari arahattaphalasamayo 1- nama atthi"ti janati. Yatha pana so puriso
udakavarakassa natthitaya udakam niharitva kayena phusitum na labhati, evam
anagami arahattamaggassa natthitaya nibbanam arammanam katva arahattaphalasamapattim
appetva nisiditum na labhati. Atthamam.
9. Upayantisuttavannana
[69] Navame upayantoti udakavaddhanasamaye upari gacchanto. Mahanadiyoti
gangayamunadika mahasaritayo. Upayapetiti upari yapeti, vaddheti puretiti
attho. Avijja upayantiti avijja upari gacchanti sankharanam paccayo
bhavitum sakkunanti. Sankhare upayapetiti sankhare upari yapeti vaddheti. Evam
sabbapadesu attho veditabbo. Apayantoti apagacchanto osaranto. Avijja
apayantiti avijja apagacchamana osaramana upari sankharanam paccayo bhavitum na
sakkunantiti attho. Sankhare apayapetiti sankhare apagacchapeti. Esa nayo
sabbapadesu. Navamam.
10. Susimaparibbajakasuttavannana 3-
[70] Dasame garukatoti sabbadevamanussehi pasanacchattam viya cittena
garukato. Manitoti manena piyayito. Pujitoti catupaccayapujaya pujito. Apacitoti
nicavuttikaranena apacito. Sattharam hi disva manussa hatthikkhandhadihi otaranti
maggam denti, amsakutam satakam apanenti, asanato vutthahanti vandantiti. 2-
@Footnote: 1 Si.,i. arahattaphalabhisamayo 2 cha.Ma., i. vandanti 3 cha.Ma. susimasutta...
The Pali Atthakatha in Roman Character Volume 12 Page 140.
http://84000.org/tipitaka/read/attha_page.php?book=12&page=140&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=12&A=3133&modeTY=2&pagebreak=1
http://84000.org/tipitaka/atthapali/rm_line.php?B=12&A=3133&modeTY=2&pagebreak=1#p140
