ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๒ ภาษาบาลี อักษรไทย สํ.อ. (สารตฺถ.๒)

หน้าที่ ๑๓๘.

จตฺตาริ ปานานิ วิย หิ จตฺตาโร มคฺคา, เตสุ อญฺญตรํ ปิวิตฺวา สุราปิปาสิกํ ๑-
วิโนเทตฺวา สุขิโน เยนกามํ คมนํ วิย ขีณาสวสฺส จตุมคฺคปานํ ปิวิตฺวา
ตณฺหํ วิโนเทตฺวา อคตปุพฺพํ นิพฺพานทิสํ คมนกาโล เวทิตพฺโพ. ฉฏฺฐํ.
                        ๗. นฬกลาปีสุตฺตวณฺณนา
    [๖๗] สตฺตเม กึ นุ โข อาวุโสติ กสฺมา ปุจฺฉติ? "เอวํ ปุฏฺโฐ กถํ
นุ โข พฺยากเรยฺยา"ติ เถรสฺส อชฺฌาสยชานนตฺถํ. อปิจ อตีเต เทฺว อคฺคสาวกา
อิมํ ปญฺหํ วินิจฺฉินึสูติ ๒- อนาคเต ภิกฺขู ชานิสฺสนฺตีติปิ ปุจฺฉติ. อิทาเนว
โข มยนฺติ อิทํ เถโร ยสฺส นามรูปสฺส วิญฺญาณํ ปจฺจโยติ วุตฺตํ, ตเทว
นามรูปํ วิญฺญาณสฺส ปจฺจโยติ วุตฺตตฺตา อาห. นฬกลาปิโยติ อิธ ปน
อยกลาปาทิวเสน อุปมํ อนาหริตฺวา วิญฺญาณนามรูปานํ อพลทุพฺพลภาวทสฺสนตฺถํ
อยํ อุปมา อาภตา.
    นิโรโธ โหตีติ เอตฺตเก ฐาเน ปจฺจุปฺปนฺนปญฺจโวการภววเสน เทสนา
กถิตา. ฉตฺตึสาย วตฺถูหีติ  เหฏฺฐา วิสฺสชฺชิเตสุ ทฺวาทสสุ ปเทสุ เอเกกสฺมึ
ติณฺณํ ติณฺณํ วเสน ฉตฺตึสาย การเณหิ. เอตฺถ จ ปฐโม ธมฺมกถิกคุโณ,
ทุติยา ปฏิปตฺติ, ตติยํ ปฏิปตฺติผลํ. ตตฺถ ปฐมนเยน เทสนาสมฺปตฺติ กถิตา,
ทุติยนเยน เสกฺขภูมิ, ตติยนเยน อเสกฺขภูมีติ. สตฺตมํ.
                        ๘. โกสมฺพิสุตฺตวณฺณนา
    [๖๘] อฏฺฐเม อญฺญเตฺรวาติ เอกจฺโจ หิ ปรสฺส สทฺทหิตฺวา ยํ เอส
ภณติ, ตํ ภูตนฺติ คณฺหาติ. อปรสฺส นิสีทิตฺวา จินฺเตนฺตสฺส ยํ การณํ รุจฺจติ,
@เชิงอรรถ:  ฉ.ม. สุราปิปาสิตํ    ฉ.ม. อิ. วินิจฺฉยึสูติ



เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๑๓๘. http://84000.org/tipitaka/read/attha_page.php?book=12&page=138&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=3090&modeTY=2&pagebreak=1 http://84000.org/tipitaka/atthapali/th_line.php?B=12&A=3090&modeTY=2&pagebreak=1#p138


จบการแสดงผล หน้าที่ ๑๓๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]