บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Sam.A. (sarattha.2) Page 138.
Cattari panani viya hi cattaro magga, tesu annataram pivitva surapipasikam 1- vinodetva sukhino yenakamam gamanam viya khinasavassa catumaggapanam pivitva tanham vinodetva agatapubbam nibbanadisam gamanakalo veditabbo. Chattham. 7. Nalakalapisuttavannana [67] Sattame kim nu kho avusoti kasma pucchati? "evam puttho katham nu kho byakareyya"ti therassa ajjhasayajananattham. Apica atite dve aggasavaka imam panham vinicchinimsuti 2- anagate bhikkhu janissantitipi pucchati. Idaneva kho mayanti idam thero yassa namarupassa vinnanam paccayoti vuttam, tadeva namarupam vinnanassa paccayoti vuttatta aha. Nalakalapiyoti idha pana ayakalapadivasena upamam anaharitva vinnananamarupanam abaladubbalabhavadassanattham ayam upama abhata. Nirodho hotiti ettake thane paccuppannapancavokarabhavavasena desana kathita. Chattimsaya vatthuhiti hettha vissajjitesu dvadasasu padesu ekekasmim tinnam tinnam vasena chattimsaya karanehi. Ettha ca pathamo dhammakathikaguno, dutiya patipatti, tatiyam patipattiphalam. Tattha pathamanayena desanasampatti kathita, dutiyanayena sekkhabhumi, tatiyanayena asekkhabhumiti. Sattamam. 8. Kosambisuttavannana [68] Atthame annatrevati ekacco hi parassa saddahitva yam esa bhanati, tam bhutanti ganhati. Aparassa nisiditva cintentassa yam karanam ruccati, @Footnote: 1 cha.Ma. surapipasitam 2 cha.Ma. i. vinicchayimsutiThe Pali Atthakatha in Roman Character Volume 12 Page 138. http://84000.org/tipitaka/read/attha_page.php?book=12&page=138&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=3090&modeTY=2&pagebreak=1 http://84000.org/tipitaka/atthapali/rm_line.php?B=12&A=3090&modeTY=2&pagebreak=1#p138
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]