บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 12 : PALI ROMAN Sam.A. (sarattha.2) Page 115.
Dassami, datthatthaneyeva thapessami"ti upari garulo, hettha nagoti mantam parivattetva kanne phusitva 1- dandakena paharitva visam otaretva datthatthaneyeva thapesi. Tatrassa thitabhavam natva agadalepena visam nimmathetva nhapetva "sukhi hohi"ti vatva yenakamam pakkami. Tattha asivisena datthassa kaye patitthanam 2- viya imesam bhikkhunam rupe adhimattagahakalo, cheko bhisakko viya tathagato, mantam parivattetva upari visassa aropitakalo viya tathagatena tesam bhikkhunam rupato gaham niharitva arupe patitthapitakalo, yava akkhipadesa arulhavisassa upari abhiruhitum adatva puna mantabalena otaretva datthatthane, 3- thapanam viya satthara tesam bhikkhunam arupato gaham niharitva rupe patitthapitakalo, datthatthane thitassa visassa agadalepena nimmathanam viya ubhato gaham niharanatthaya imissa desanaya araddhakalo veditabbo. Tattha nibbindam virajjatiti imina maggo kathito, viraga vimuccatiti phalam, vimuttasmintiadina paccavekkhana. Pathamam. 2. Dutiyaassutavasuttavannana [62] Dutiye sukhavedaniyanti sukhavedanaya paccayam. Phassanti cakkhusamphassadim. Nanu ca cakkhusamphasso sukhavedanaya paccayo na hotiti? sahajatapaccayena na hoti, Upanissayapaccayena pana javanavedanaya hoti, tam sandhayetam vuttam. Sotasamphassadisupi eseva nayo. Tajjanti tamjatikam tassanurupam, 4- tassa phassassa anurupanti attho. Dukkhavedaniyantiadi vuttanayeneva veditabbam. Sanghattasamodhanati sanghattanena ceva @Footnote: 1 Si. dhumitva, Ma. dhametva, cha. dhumetva 2 cha.Ma., i. visapatitthanam @3 cha.Ma. datthatthaneyeva 4 cha.Ma. tassaruppamThe Pali Atthakatha in Roman Character Volume 12 Page 115. http://84000.org/tipitaka/read/attha_page.php?book=12&page=115&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=12&A=2557&modeTY=2&pagebreak=1 http://84000.org/tipitaka/atthapali/rm_line.php?B=12&A=2557&modeTY=2&pagebreak=1#p115
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]