บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Saṃ.A. (sārattha.1) Page 93.
Aṭṭhame sveva pañho devatāya heṭṭhupariyāyavasena pucchito. Aṭṭhamaṃ. Navame sabbaṃ uttānameva. Navamaṃ. 10. Lokasuttavaṇṇanā [70] Dasame kismiṃ loko samuppannoti kismiṃ uppanne loko uppannoti vuccati. 1- Chasūti chasu ajjhattikesu āyatanesu uppannesu uppannoti vuccati. Chasu kubbatīti tesuyeva chasu santhavaṃ karoti. Upādāyāti tāniyeva ca upādāya āgamma paṭicca pavattati. Vihaññatīti tesuyeva chasu vihaññati pīḷiyati. Iti ajjhattikāyatanavasena ayaṃ pañho āgato, ajjhattikabāhirānaṃ pana vasena āharituṃ vaṭṭati. Chasu hi ajjhattikāyatanesu uppannesu ayaṃ uppanno nāma hoti, chasu bāhiresu santhavaṃ karoti, channaṃ ajjhattikānaṃ upādāya chasu bāhiresu vihaññatīti. Dasamaṃ. Addhavaggo 2- sattamo. ---------------- 8. Ghatvāvagga 3- 1. Ghatvāsuttavaṇṇanā 3- [71] Ghatvāvaggassa 3- paṭhame ghatvāti 3- vadhitvā. Sukhaṃ setīti kodhapariḷāhena apariḍayhamānattā 4- sukhaṃ sayati. Na socatīti kodhavināsena 5- vinaṭṭhadomanassattā na socati. Visamūlassāti dukkhavipākassa. Madhuraggassāti 6- akkuṭhassa 7- paccakkositvā, pahaṭassa ca paṭipaharitvā sukhaṃ uppajjati, taṃ sandhāyesa 8- madhuraggoti vutto. Imasmiṃ hi ṭhāne pariyosānaṃ agganti vuttaṃ. Ariyāti buddhādayo. Paṭhamaṃ. 2. Rathasuttavaṇṇanā [72] Dutiye paññāyati etenāti paññāṇaṃ. Dhajo rathassāti mahantasmiṃ hi saṅgāmasīse dūratova dhajaṃ disvā "asukassa rañño nāma ayaṃ ratho"ti ratho @Footnote: 1 cha.Ma. pucchati 2 ka. andhavagga... 3...3 cha.Ma. chetvā... evamuparipi @4 cha.Ma. aparidayha... 5 Ma. kopachedanena @6 cha.Ma., i. madhuraggassāti kuddhassa paṭikujjhitvā, ekkaṭṭhassa paccakkositvā @7 Ma. akkosassa 8 cha.Ma., i. sandhāya, esa-saddo na dissatiThe Pali Atthakatha in Roman Character Volume 11 Page 93. http://84000.org/tipitaka/read/attha_page.php?book=11&page=93&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=2440&pagebreak=1 http://84000.org/tipitaka/atthapali/rm_line.php?B=11&A=2440&pagebreak=1#p93
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]