ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๙๑.

        ฉฏฺเฐ ทุกฺขาติ วฏฺฏทุกฺขโต. ฉฏฺฐํ.
        สตฺตเม ปรายนนฺติ นิปฺผตฺติ อวสฺสโย. สตฺตมํ.
                         ๘. อุปฺปถสุตฺตวณฺณนา
   [๕๘]  อฏฺฐเม ราโค อุปฺปโถติ สุคติญฺจ นิพฺพานญฺจ คจฺฉนฺตสฺส
อมคฺโค. รตฺติทิวกฺขโย ๑- รตฺตีหิ ทิเวหิ จ ขียติ. ๒- อิตฺถีมลนฺติ เสสํ พาหิรมลํ
โอสงฺขาราทีหิ ๓- โธวิตฺวา สกฺกา โสเธตุํ, มาตุคามมเลน ผุฏฺโฐ ๔- ปน น สกฺกา
สุทฺโธ นาม กาตุนฺติ อิตฺถี "มลนฺ"ติ วุตฺตา. เอตฺถาติ เอตฺถ อิตฺถิยํ ปชา
สชฺชติ. ตโปติ อินฺทฺริยสํวรธุตงฺคคุณวิริยทุกฺกรการิกานํ นามํ, อิธ ปน ฐเปตฺวา
ทุกฺกรการิกํ สพฺพาปิ กิเลสสนฺตาปิกา ปฏิปทา วฏฺฏติ. พฺรหฺมจริยนฺติ เมถุนวิรติ.
                              อฏฺฐมํ.
                         ๙. ทุติยสุตฺตวณฺณนา
     [๕๙] นวเม กิสฺส จาภิรโตติ กิสฺมึ อภิรโต. ทุติยาติ สุคติญฺเจว
นิพฺพานญฺจ คจฺฉนฺตสฺส ทุติยิกา. ปญฺญา เจนํ ปสาสตีติ ปญฺญา  เอตํ ปุริสํ
"อิทํ กโรหิ, อิทํ มา กรี"ติ อนุสาสติ. นวมํ.
                         ๑๐. กวิสุตฺตวณฺณนา
     [๖๐] ทสเม ฉนฺโท นิทานนฺติ คายติอาทิโก ฉนฺโท คาถานํ นิทานํ.
ปุพฺพวุฏฺฐานํ ๕- ปน คาถํ อารภนฺโต หิ "กตฉนฺเทน ๖- โหตู"ติ ๗- อารภติ.
วิยญฺชนนฺติ ชนนํ. อกฺขรํ หิ ปทํ ชเนติ, ปทํ คาถํ ชเนติ, คาถา อตฺถํ
ปกาเสติ. ๘- นามสนฺนิสฺสิตาติ สมุทฺทาทิปณฺณตฺตินิสฺสิตา. คาถา อารภนฺเตหิ ๙-
สมุทฺทํ วา ปฐวึ วา ยํกิญฺจิ นามํ สนฺนิสฺสิตฺวาว ๑๐- อารพฺภติ. อาสโยติ
ปติฏฺฐา. กวิโต หิ คาถา ปวตฺตนฺติ, โส ตาสํ ปติฏฺฐา โหตีติ. ทสมํ.
                          ชราวคฺโค ฉฏฺโฐ.
                          ------------
@เชิงอรรถ:  ฉ.ม., อิ. รตฺตินฺ.....รตฺติทิเวหิ,   ฉ.ม. รตฺติทิเวสุ วา ขียติ
@ ฉ.ม., อิ. ภสฺมขาราทีหิ   ฉ.ม. ทุฏฺโฐ   ฉ.ม., อิ.ปุพฺพปฏฺฐาปนคาถา,
@ม. ปุพฺพวุฏฺฐาปนคาถา   ฉ.ม., อิ. กตรจฺฉนเทน   สี., อิ. โหตีติ
@ ฉ.ม.,อิ. ปกาเสตีติ   ฉ.ม., อิ. อารภนฺโต หิ  ๑๐ ฉ.ม., อิ: นิสฺสยิตฺวาว



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๙๑. http://84000.org/tipitaka/read/attha_page.php?book=11&page=91&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=2388&modeTY=2&pagebreak=1 http://84000.org/tipitaka/atthapali/th_line.php?B=11&A=2388&modeTY=2&pagebreak=1#p91


จบการแสดงผล หน้าที่ ๙๑.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]