Ratanam, nanu bhagava anomo silena samadhina pannaya vimuttiya
vimuttinanadassanena"ti.
Idha pana dullabhapatubhavatthena panna "ratanan"ti vuttam. Punnanti
punnacetana, sa hi arupatta pariharitum na sakkati. Pathamam.
2. Ajarasasuttavannana
[52] Dutiye ajarasati ajiranena, avipattiyati attho. Silam hi
avipannameva sadhu hoti, vipannasilam acariyupajjhayadayopi na sanganhanti,
gatagatatthanena damitabbova 1- hotiti. Dutiyam.
3. Mittasuttavannana
[53] Tatiye satthoti saddhicaro 2- janghasattho sakatasattho va. Mittanti
roge uppanne patankiya va annena va yanena haritva khemantam sampapanena
mittam. Sake ghareti attano gehe. Tatharupe roge jate puttabhariyadayo
jigucchanti, mata pana asucimpi candanam viya mannati. Tasma sa sake ghare mittam.
Sahayo atthajatassati uppannakiccassa yo tam kiccam vahati nittharati, so
kiccesu saha ayanabhavena sahayo mittam, surapanadisahaya pana na mitta.
Samparayikanti samparayahitanti. 3- Tatiyam.
4. Vatthusuttavannana
[54] Catutthe putta vatthuti mahallakabhavakale 4- patijagganatthena putta
patittha. Paramati 5- annesam akathetabbassapi guyhassa kathetabbayuttataya bhariya
parama 6- sakha namati. Catuttham.
5-7. Pathamajanasuttadivannana
[55-57] Pancame vidhavatiti parasamuddadigamanavasena ito cito ca
vidhavati. Pancamam.
@Footnote: 1 cha.Ma., i. gatagatatthane niddhamitabbova 2 cha.Ma., i. saddhim caro 3 cha.Ma......hitam
@4 cha.Ma., i. mahallakakale 5 cha.Ma. paramoti 6 cha.Ma. paramo, Ma. paramasakha
The Pali Atthakatha in Roman Character Volume 11 Page 90.
http://84000.org/tipitaka/read/attha_page.php?book=11&page=90&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=2363&modeTY=2&pagebreak=1
http://84000.org/tipitaka/atthapali/rm_line.php?B=11&A=2363&modeTY=2&pagebreak=1#p90
