ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๙๐.

        รตนํ, นนุ ภควา อโนโม สีเลน สมาธินา ปญฺญาย วิมุตฺติยา
        วิมุตฺติญาณทสฺสเนนา"ติ.
        อิธ ปน ทุลฺลภปาตุภาวฏฺเฐน ปญฺญา "รตนนฺ"ติ วุตฺตํ. ปุญฺญนฺติ
ปุญฺญเจตนา, สา หิ อรูปตฺตา ปริหริตุํ น สกฺกาติ. ปฐมํ.
                        ๒. อชรสาสุตฺตวณฺณนา
    [๕๒] ทุติเย อชรสาติ อชีรเณน, อวิปตฺติยาติ อตฺโถ. สีลํ หิ
อวิปนฺนเมว สาธุ โหติ, วิปนฺนสีลํ อาจริยูปชฺฌายาทโยปิ น สงฺคณฺหนฺติ,
คตคตฏฺฐาเนน ทมิตพฺโพว ๑- โหตีติ. ทุติยํ.
                         ๓. มิตฺตสุตฺตวณฺณนา
    [๕๓] ตติเย สตฺโถติ สทฺธิจโร ๒- ชงฺฆสตฺโถ สกฏสตฺโถ วา. มิตฺตนฺติ
โรเค อุปฺปนฺเน ปาฏงฺกิยา วา อญฺเญน วา ยาเนน หริตฺวา เขมนฺตํ สมฺปาปเนน
มิตฺตํ. สเก ฆเรติ อตฺตโน เคเห. ตถารูเป โรเค ชาเต ปุตฺตภริยาทโย
ชิคุจฺฉนฺติ, มาตา ปน อสุจึปิ จนฺทนํ วิย มญฺญติ. ตสฺมา สา สเก ฆเร มิตฺตํ.
สหาโย อตฺถชาตสฺสาติ อุปฺปนฺนกิจฺจสฺส โย ตํ กิจฺจํ วหติ นิตฺถรติ, โส
กิจฺเจสุ สห อยนภาเวน สหาโย มิตฺตํ, สุราปานาทิสหายา ปน น มิตฺตา.
สมฺปรายิกนฺติ สมฺปรายหิตนฺติ. ๓- ตติยํ.
                         ๔. วตฺถุสุตฺตวณฺณนา
    [๕๔] จตุตฺเถ ปุตฺตา วตฺถูติ มหลฺลกภาวกาเล ๔- ปฏิชคฺคนฏฺเฐน ปุตฺตา
ปติฏฺฐา. ปรมาติ ๕- อญฺเญสํ อกเถตพฺพสฺสปิ คุยฺหสฺส กเถตพฺพยุตฺตตาย ภริยา
ปรมา ๖- สขา นามาติ. จตุตฺถํ.
                      ๕-๗. ปฐมชนสุตฺตาทิวณฺณนา
    [๕๕-๕๗] ปญฺจเม วิธาวตีติ ปรสมุทฺทาทิคมนวเสน อิโต จิโต จ
วิธาวติ. ปญฺจมํ.
@เชิงอรรถ:  ฉ.ม., อิ. คตคตฏฺฐาเน นิทฺธมิตพฺโพว   ฉ.ม., อิ. สทฺธึ จโร   ฉ.ม......หิตํ
@ ฉ.ม., อิ. มหลฺลกกาเล    ฉ.ม. ปรโมติ       ฉ.ม. ปรโม, ม. ปรมสขา



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๙๐. http://84000.org/tipitaka/read/attha_page.php?book=11&page=90&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=2363&modeTY=2&pagebreak=1 http://84000.org/tipitaka/atthapali/th_line.php?B=11&A=2363&modeTY=2&pagebreak=1#p90


จบการแสดงผล หน้าที่ ๙๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]