บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Sam.A. (sarattha.1) Page 86.
7. Vanaropasuttavannana [47] Sattame dhammattha silasampannati ke dhammattha, ke silasampannati pucchati. Bhagava imam panham tava vatthuna 1- dipento aramaropatiadimaha. Tattha aramaropati puppharamaphalaramaropaka. Vanaropati sayam jate aropitavane 2- simam parikkhipitva cetiyabodhicankamanamandapakutilenarattitthanadivatthananam karaka chayupage rukkhe ropetva dadamanapi vanaropayeva nama. Setukarakati visame setum karonti, udake navam patiyadenti. Papanti paniyadanasalam. Udapananti yam kinci pokkharanitalakadim. 3- Apassayanti 4- vasagaram. "upasayan"tipi patho. Sada punnam pavaddhatiti na akusalavitakkam va vitakkentassa niddayantassa va pavaddhati. Yada 5- pana anussarati, tada pavaddhatiti 6- imamattham sandhaya "sada punnam pavaddhati"ti vuttam. Dhammattha silasampannati tasmim dhamme thitatta tenapi silena sampannatta dhammattha silasampanna. Athava evarupani punnani karontanam dasa kusaladhamma purenti, tesu thitatta dhammattha. Teneva ca silena sampannatta silasampannati. Sattamam. 8. Jetavanasuttavannana [48] Atthame idanhi tam jetavananti anathapindiko devaputto jetavanassa ceva buddhadinanca vannabhananattham agato 7- evamaha. Isisamghanisevitanti bhikkhusamghanisevitam. Evam pathamagathaya jetavanassa vannam kathetva idani ariyamaggassa kathento kammam vijjatiadimaha. Tattha kammanti maggacetana. Vijjati maggapanna. Dhammoti samadhipakkhika dhamma. Silam jivitamuttamanti sile patitthitassa jivitam uttamanti dasseti. Athava vijjati ditthisankappa. Dhammoti vayamasatisamadhayo. @Footnote: 1 cha.Ma., i. thavaravatthuna 2 cha.Ma. aropimavane, i. aropime vane @3 i....talakadikam 4 cha.Ma., i. upassayam 5 cha.Ma., i. yada yada @6 cha.Ma. tada tada tassa vaddhati 7 Ma. bhagavatoThe Pali Atthakatha in Roman Character Volume 11 Page 86. http://84000.org/tipitaka/read/attha_page.php?book=11&page=86&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=2258&modeTY=2&pagebreak=1 http://84000.org/tipitaka/atthapali/rm_line.php?B=11&A=2258&modeTY=2&pagebreak=1#p86
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]