ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๘๖.

                        ๗. วนโรปสุตฺตวณฺณนา
    [๔๗] สตฺตเม ธมฺมฏฺฐา สีลสมฺปนฺนาติ เก ธมฺมฏฺฐา, เก สีลสมฺปนฺนาติ
ปุจฺฉติ. ภควา อิมํ ปญฺหํ ตาว วตฺถุนา ๑-  ทีเปนฺโต อารามโรปาติอาทิมาห.
ตตฺถ อารามโรปาติ ปุปฺผารามผลารามโรปกา. วนโรปาติ สยํ ชาเต อโรปิตวเน ๒-
สีมํ ปริกฺขิปิตฺวา เจติยโพธิจงฺกมนมณฺฑปกุฏิเลณรตฺติฏฺฐานทิวาฏฺฐานานํ
การกา ฉายูปเค รุกฺเข โรเปตฺวา ททมานาปิ วนโรปาเยว นาม. เสตุการกาติ
วิสเม เสตุํ กโรนฺติ,  อุทเก นาวํ ปฏิยาเทนฺติ. ปปนฺติ ปานียทานสาลํ.
อุทปานนฺติ ยํ กิญฺจิ โปกฺขรณีตฬากาทึ. ๓- อปสฺสยนฺติ ๔- วาสาคารํ.
"อุปาสยนฺ"ติปิ ปาโฐ.
      สทา ปุญฺญํ ปวฑฺฒตีติ น อกุสลวิตกฺกํ วา วิตกฺเกนฺตสฺส นิทฺทายนฺตสฺส
วา ปวฑฺฒติ. ยทา ๕-  ปน อนุสฺสรติ, ตทา ปวฑฺฒตีติ ๖- อิมมตฺถํ
สนฺธาย "สทา ปุญฺญํ ปวฑฺฒตี"ติ วุตฺตํ. ธมฺมฏฺฐา สีลสมฺปนฺนาติ ตสฺมึ ธมฺเม
ฐิตตฺตา เตนปิ สีเลน สมฺปนฺนตฺตา ธมฺมฏฺฐา สีลสมฺปนฺนา. อถวา เอวรูปานิ
ปุญฺญานิ กโรนฺตานํ ทส กุสลธมฺมา ปูเรนฺติ, เตสุ ฐิตตฺตา ธมฺมฏฺฐา.
เตเนว จ สีเลน สมฺปนฺนตฺตา สีลสมฺปนฺนาติ. สตฺตมํ.
                        ๘. เชตวนสุตฺตวณฺณนา
     [๔๘] อฏฺฐเม อิทญฺหิ ตํ เชตวนนฺติ อนาถปิณฺฑิโก เทวปุตฺโต
เชตวนสฺส เจว พุทฺธาทีนญฺจ วณฺณภณนตฺถํ อาคโต ๗- เอวมาห. อิสิสํฆนิเสวิตนฺติ
ภิกฺขุสํฆนิเสวิตํ.
         เอวํ ปฐมคาถาย เชตวนสฺส วณฺณํ กเถตฺวา อิทานิ อริยมคฺคสฺส
กเถนฺโต กมฺมํ วิชฺชาติอาทิมาห. ตตฺถ กมฺมนฺติ มคฺคเจตนา. วิชฺชาติ มคฺคปญฺญา.
ธมฺโมติ สมาธิปกฺขิกา ธมฺมา. สีลํ ชีวิตมุตฺตมนฺติ สีเล ปติฏฺฐิตสฺส ชีวิตํ
อุตฺตมนฺติ ทสฺเสติ. อถวา วิชฺชาติ ทิฏฺฐิสงฺกปฺปา. ธมฺโมติ วายามสติสมาธโย.
@เชิงอรรถ:  ฉ.ม., อิ. ถาวรวตฺถุนา        ฉ.ม. อโรปิมวเน, อิ. อโรปิเม วเน
@ อิ....ตฬากาทิกํ          ฉ.ม., อิ. อุปสฺสยํ      ฉ.ม., อิ. ยทา ยทา
@ ฉ.ม. ตทา ตทา ตสฺส วฑฺฒติ    ม. ภควโต



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๘๖. http://84000.org/tipitaka/read/attha_page.php?book=11&page=86&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=2258&modeTY=2&pagebreak=1 http://84000.org/tipitaka/atthapali/th_line.php?B=11&A=2258&modeTY=2&pagebreak=1#p86


จบการแสดงผล หน้าที่ ๘๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]