7. Vanaropasuttavaṇṇanā
[47] Sattame dhammaṭṭhā sīlasampannāti ke dhammaṭṭhā, ke sīlasampannāti
pucchati. Bhagavā imaṃ pañhaṃ tāva vatthunā 1- dīpento ārāmaropātiādimāha.
Tattha ārāmaropāti pupphārāmaphalārāmaropakā. Vanaropāti sayaṃ jāte aropitavane 2-
sīmaṃ parikkhipitvā cetiyabodhicaṅkamanamaṇḍapakuṭileṇarattiṭṭhānadivāṭṭhānānaṃ
kārakā chāyūpage rukkhe ropetvā dadamānāpi vanaropāyeva nāma. Setukārakāti
visame setuṃ karonti, udake nāvaṃ paṭiyādenti. Papanti pānīyadānasālaṃ.
Udapānanti yaṃ kiñci pokkharaṇītaḷākādiṃ. 3- Apassayanti 4- vāsāgāraṃ.
"upāsayan"tipi pāṭho.
Sadā puññaṃ pavaḍḍhatīti na akusalavitakkaṃ vā vitakkentassa niddāyantassa
vā pavaḍḍhati. Yadā 5- pana anussarati, tadā pavaḍḍhatīti 6- imamatthaṃ
sandhāya "sadā puññaṃ pavaḍḍhatī"ti vuttaṃ. Dhammaṭṭhā sīlasampannāti tasmiṃ dhamme
ṭhitattā tenapi sīlena sampannattā dhammaṭṭhā sīlasampannā. Athavā evarūpāni
puññāni karontānaṃ dasa kusaladhammā pūrenti, tesu ṭhitattā dhammaṭṭhā.
Teneva ca sīlena sampannattā sīlasampannāti. Sattamaṃ.
8. Jetavanasuttavaṇṇanā
[48] Aṭṭhame idañhi taṃ jetavananti anāthapiṇḍiko devaputto
jetavanassa ceva buddhādīnañca vaṇṇabhaṇanatthaṃ āgato 7- evamāha. Isisaṃghanisevitanti
bhikkhusaṃghanisevitaṃ.
Evaṃ paṭhamagāthāya jetavanassa vaṇṇaṃ kathetvā idāni ariyamaggassa
kathento kammaṃ vijjātiādimāha. Tattha kammanti maggacetanā. Vijjāti maggapaññā.
Dhammoti samādhipakkhikā dhammā. Sīlaṃ jīvitamuttamanti sīle patiṭṭhitassa jīvitaṃ
uttamanti dasseti. Athavā vijjāti diṭṭhisaṅkappā. Dhammoti vāyāmasatisamādhayo.
@Footnote: 1 cha.Ma., i. thāvaravatthunā 2 cha.Ma. aropimavane, i. aropime vane
@3 i....taḷākādikaṃ 4 cha.Ma., i. upassayaṃ 5 cha.Ma., i. yadā yadā
@6 cha.Ma. tadā tadā tassa vaḍḍhati 7 Ma. bhagavato
The Pali Atthakatha in Roman Character Volume 11 Page 86.
http://84000.org/tipitaka/read/attha_page.php?book=11&page=86&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=2258&pagebreak=1
http://84000.org/tipitaka/atthapali/rm_line.php?B=11&A=2258&pagebreak=1#p86
