อรรถกถาเล่มที่ ๑๑ หน้าที่ ๘๐.

๕. อาทิตฺตวคฺค ๑. อาทิตฺตสุตฺตวณฺณนา [๔๑] อาทิตฺตวคฺคสฺส ปเม ชราย มรเณน จาติ เทสนาสีสเมตํ, ราคทีหิ ปน เอกาทสหิ อคฺคีหิ โลโก อาทิตฺโตว. ทาเนนาติ ทานเจตนาย. ทินฺนํ โหติ สุนีภตนฺติ ^๑- ทานปุญฺเจตนาหิ ทายกสฺเสว โหติ ฆรสามิกสฺส วิย นีภตภณฺฑกํ, เตเนตํ วุตฺตํ. โจรา หรนฺตีติ อทินฺเน โภเค โจราปิ หรนฺติ ราชาโนปิ, อคฺคิปิ ทหติ, ปิตฏฺาเนปิ นสฺสนฺติ. อนฺเตนาติ มรเณน. สรีรํ สปริคฺคหนฺติ สรีรญฺเจว โจราทีนํ วเสน อวินฏฺโภเค จ. สคฺคมุเปตีติ เวสฺสนฺตรมหาราชาทโย วิย สคฺเค นิพฺพตฺตตีติ. ปมํ. ๒. กินฺททสุตฺตวณฺณนา [๔๒] ทุติเย อนฺนโทติ ยสฺมา อติพลวาปิ เทฺว ตีณิ ภตฺตานิ อภุตฺวา อุฏฺาตุํ น สกฺโกติ, ภุตฺวา ปน ทุพฺพโลปิ หุตฺวา พลสมฺปนฺโน โหติ, ตสฺมา "อนฺนโท พลโท"ติ อาห. วตฺถโทติ ยสฺมา สุรูโปปิ ทุจฺโจโฬ วา อโจโฬ วา วิรูโป โหติ โอหีฬิโต ทุทฺทสฺสิโก, วตฺถจฺฉนฺโน เทวปุตฺโต วิย โสภติ, ตสฺมา "วตฺถโท โหติ วณฺณโท"ติ อาห. ยานโทติ หตฺถิยานาทีนํ ทายโก, เตสุ ปน:- น หตฺถิยานํ สมณสฺส กปฺปติ น อสฺสยานํ น รเถน ยาตุํ อิทญฺจ ยานํ สมณสฺส กปฺปติ อุปาหนา รกฺขโต สีลกฺขนฺธนฺติ. ตสฺมา ฉตฺตุปาหนกตฺตรยฏฺิมญฺจปีานํ ทายโก โย จ มคฺคํ โสเธติ, นิสฺเสณึ กโรติ, เสตุํ กโรติ, นาวํ ปฏิยาเทติ, สพฺโพปิ ยานโทว โหติ. สุขโท โหตีติ ยานสุขาวหนโต สุขโท นาม โหติ. จกฺขุโทติ อนฺธกาเร จกฺขุมนฺตานํปิ รูปทสฺสนาภาวโต ทีปโท จกฺขุโท นาม โหติ, อนุรุทฺธตฺเถโร วิย ทิพฺพจกฺขุสมฺปทํ ลภติ. @เชิงอรรถ: ^๑ ฉ.ม. สุนีหตํ เอวมุปริปิ

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๘๐. http://84000.org/tipitaka/read/attha_page.php?book=11&page=80&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=2101&pagebreak=1 http://84000.org/tipitaka/atthapali/th_line.php?B=11&A=2101&pagebreak=1#p80