บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Sam.A. (sarattha.1) Page 79.
9. Pathamapajjunnadhitusuttavannana [39] Navame pajjunnassa dhitati pajjunnassa nama vassavalahakadevaranno catummaharajikassa dhita. Abhivandeti bhagava tumhakam pade vandami. Cakkhumatati pancahi cakkhuhi cakkhumantena tathagatena. Dhammo anubuddhoti "idam maya pubbe paresam santike kevalam sutamyeva asi"ti vadati. Sahamdaniti sa aham idani. Sakkhi janamiti pativedhavasena paccakkhameva janami. Vigarahantati "hinakkharapadabyanjano"ti va "aniyyaniko"ti va evam garahanta. Roruvanti dve roruva dhumaroruvo ca jalaroruvo ca. Tattha dhumaroruvo visum hoti, jalaroruvoti pana avicimahanirayassevetam namam. Tattha hi satta aggimhi jalante jalante punappunam ravam ravanti, tasma so "roruvo"ti vuccati. Ghoranti darunam. Khantiya upasamena upetati rucitva khametva gahanakhantiya ca ragadiupasamena ca upetati. Navamam. 10. Dutiyapajjunnadhitusuttavannana [40] Dasame dhammam cati casaddena samghanca, iti tini ratanani namassamana idhagatati vadati. Atthavatiti atthavatiyo. Bahunapi kho tanti yam dhammam sa abhasi, tam dhammam bahunapi pariyayena aham vibhajeyyam. Tadiso dhammoti tadiso hi ayam bhagava dhammo, tamsanthito sappatibhago 1- bahuhi pariyayehi vibhajitabbayuttakoti dasseti. Lapayissamiti kathayissami. Yavata me manasa pariyattanti yattakam maya manasa pariyapunitam 2- tassattham divasam avatva madhupatalam pilenti viya muhutteneva sankhittena kathessami. Sesam uttanamevati. Dasamam. Satullapakayikavaggo catuttho --------------- @Footnote: 1 cha.Ma. tappatibhago 2 cha.Ma.,i.pariyaputamThe Pali Atthakatha in Roman Character Volume 11 Page 79. http://84000.org/tipitaka/read/attha_page.php?book=11&page=79&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=2079&modeTY=2&pagebreak=1 http://84000.org/tipitaka/atthapali/rm_line.php?B=11&A=2079&modeTY=2&pagebreak=1#p79
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]