ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๗๙.

                      ๙. ปฐมปชฺชุนฺนธีตุสุตฺตวณฺณนา
        [๓๙] นวเม ปชฺชุนฺนสฺส ธีตาติ ปชฺชุนฺนสฺส นาม วสฺสวลาหกเทวรญฺโญ
จาตุมฺมหาราชิกสฺส ธีตา. อภิวนฺเทติ ภควา ตุมฺหากํ ปาเท วนฺทามิ. จกฺขุมตาติ
ปญฺจหิ จกฺขูหิ จกฺขุมนฺเตน ตถาคเตน. ธมฺโม อนุพุทฺโธติ "อิทํ มยา ปุพฺเพ
ปเรสํ สนฺติเก เกวลํ สุตํเยว อสี"ติ วทติ. สาหํทานีติ สา อหํ อิทานิ. สกฺขิ
ชานามีติ ปฏิเวธวเสน ปจฺจกฺขเมว ชานามิ. วิครหนฺตาติ "หีนกฺขรปทพฺยญฺชโน"ติ
วา "อนิยฺยานิโก"ติ วา เอวํ ครหนฺตา. โรรุวนฺติ เทฺว โรรุวา ธูมโรรุโว จ
ชาลโรรุโว จ. ตตฺถ ธูมโรรุโว วิสุํ โหติ, ชาลโรรุโวติ ปน อวีจิมหานิรยสฺเสเวตํ
นามํ. ตตฺถ หิ สตฺตา อคฺคิมฺหิ ชลนฺเต ชลนฺเต ปุนปฺปุนํ รวํ
รวนฺติ, ตสฺมา โส "โรรุโว"ติ วุจฺจติ. โฆรนฺติ ทารุณํ. ขนฺติยา อุปสเมน
อุเปตาติ รุจิตฺวา ขเมตฺวา คหณขนฺติยา จ ราคาทิอุปสเมน จ อุเปตาติ. นวมํ.
                     ๑๐. ทุติยปชฺชุนฺนธีตุสุตฺตวณฺณนา
       [๔๐] ทสเม ธมฺมํ จาติ จสทฺเทน สํฆญฺจ, อิติ ตีณิ รตนานิ
นมสฺสมานา อิธาคตาติ วทติ. อตฺถวตีติ อตฺถวติโย. พหุนาปิ โข ตนฺติ ยํ
ธมฺมํ สา อภาสิ, ตํ ธมฺมํ พหุนาปิ ปริยาเยน อหํ วิภเชยฺยํ. ตาทิโส ธมฺโมติ
ตาทิโส หิ อยํ ภควา ธมฺโม, ตํสณฺฐิโต สปฺปฏิภาโค ๑- พหูหิ ปริยาเยหิ
วิภชิตพฺพยุตฺตโกติ ทสฺเสติ. ลปยิสฺสามีติ กถยิสฺสามิ. ยาวตา เม มนสา
ปริยตฺตนฺติ ยตฺตกํ มยา มนสา ปริยาปุณิตํ ๒- ตสฺสตฺถํ ทิวสํ อวตฺวา มธุปฏลํ
ปีเฬนฺตี วิย มุหุตฺเตเนว สงฺขิตฺเตน กเถสฺสามิ. เสสํ อุตฺตานเมวาติ. ทสมํ.
                       สตุลฺลปกายิกวคฺโค จตุตฺโถ
                         ---------------
@เชิงอรรถ:  ฉ.ม. ตปฺปฏิภาโค         ฉ.ม.,อิ.ปริยาปุฏํ



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๗๙. http://84000.org/tipitaka/read/attha_page.php?book=11&page=79&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=2079&modeTY=2&pagebreak=1 http://84000.org/tipitaka/atthapali/th_line.php?B=11&A=2079&modeTY=2&pagebreak=1#p79


จบการแสดงผล หน้าที่ ๗๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]