บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Sam.A. (sarattha.1) Page 65.
Atirekappamanena. Imam gatham abhasiti kuppito esa amhakanti mannamana abhasi. Na patigganhatiti na khamati nadhivaseti. Kopantaroti abbhantare uppannakodho. 1- Dosagaruti dosam garum katva adaya viharanto. Sa veram patimuccatiti so evarupo gandikam patimuccanto viya tam veram attani patimuccati thapeti, na patinissajjatiti attho. Accayo ce na vijjethati sace accayikakammam na bhaveyya. No cidha apahatam siyati yadi aparadho nama na bhaveyya. Kenidha kusalo siyati yadi verani na sammeyyum, kena karanena kusalo bhaveyya. Kassaccayati gathaya 2- kassa atikkamo natthi, kassa aparadho natthi, ko sammoham napajjati, ko niccameva pandito namati attho. Imam kira gatham bhanapanattham bhagavato sitapatukammam. Tasma idani devatanam buddhabalam dipetva khamissamiti tathagatassa buddhassatiadimaha. Tattha tathagatassati tatha agatoti tathagatotievamadihi karanehi tathagatassa. Buddhassati catunnam saccanam buddhattadihi karanehi vimokkhantikapannattivasena evam laddhanamassa. Accayam desayantinanti yam vuttam tumehahi "accayam desayantinam .pe. Sa veram patimuccati"ti, tam sadhu vuttam, aham pana tam veram nabhinandami na patthayamiti attho. Patigganhami voccayanti tumhakam aparadham khamamiti. Pancamam. 6. Saddhasuttavannana [36] Chatthe saddha dutiya purisassa hotiti purisassa devaloke manussaloke ceva nibbananca gacchantassa saddha dutiya hoti, sahayakiccam sadheti. No ce assaddhiyam avatitthatiti yadi assaddhiyam na titthati. Yasoti parivaro. Kittiti vannabhananam. Tatvassa hotiti tato assa hoti. Nanupatanti sangati ragasangadayo panca sanga na anupatanti. Pamadamanuyunjantiti ye pamadam karonti nibbattenti, te tam anuyunjanti nama. Dhanam setthamva rakkhatiti muttamanisaradiuttamadhanam viya rakkhati. Jhayantoti lakkhanupanijjhanena ca @Footnote: 1 cha.Ma., i. uppannakopo 2 ka. vacayaThe Pali Atthakatha in Roman Character Volume 11 Page 65. http://84000.org/tipitaka/read/attha_page.php?book=11&page=65&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=1703&modeTY=2&pagebreak=1 http://84000.org/tipitaka/atthapali/rm_line.php?B=11&A=1703&modeTY=2&pagebreak=1#p65
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]