บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Sam.A. (sarattha.1) Page 35.
"purato pacchato vapi aparo ce na vijjati ativa phasu bhavati ekassa vasato vane"ti 1- ca. Tasma bhagava dutiyagathamaha. Tattha sa rati patibhati manti ya evarupe kale ekekassa 2- nisajja nama, sa rati mayham upatthatiti attho. Sesam tadisamevati. Sanamanasuttavannana nitthita. ------------------- 6. Niddatandisuttavannana [16] Chatthe niddati "abhijanamaham aggivessana gimhanam pacchime mase .pe. Niddam okkamita"ti 3- evarupaya abyakataniddaya pubbabhagaparabhagesu sekhaputhujjananam sasankharikaakusalacitte uppannam thinamiddham. Tanditi aticchatatisitadikalesu 4- uppannam agantukam alasyam. Vuttampi cetam:- tattha katama tandi ya tandi tandiyana tandimanakata 5- alasyam alasyayana alasyayitattam, ayam vuccati tanditi. 6- Vijimhitati kayavijimhana. 7- Aratiti kusalapakkhesu ukakanthika. 8- Bhattasammadoti bhattamuccha bhattakilamatho. Vittharo panetesam "tattha katama vijimhika, ya kayassa jambhana vijimhana"tiadina nayena abhidhamme agatova. Etenati etena niddadina upakkilesena upakkilittho nivaritapatubhavo. Nappakasatiti na jotati, na patubhavatiti attho. Ariyamaggoti lokuttaramaggo. Idhati imasmim loke. Paninanti sattanam. Viriyenati maggasahajataviriyena. Nam panametvati etam kilesajatam niharitva. Ariyamaggoti lokiyalokuttaramaggo. Iti maggeneva upakkilese niharitva maggassa visuddhi vuttati. Niddatandisuttavannana nitthita. --------------- @Footnote: 1 khu. thera. 26/537/349 ekavihariyattheravatthu 2 cha.Ma., i. ekakassa @3 Ma.mu. 12/387/345 mahasaccakasutta 4 Si....sitavatadikalesu, i....sitavatadisu @kalesu 5 cha.Ma., i. tandimanata 6 abhi. vibhanga. 35/857/429 khuddakavatthuvibhanga @7 cha.Ma., i. vijambhitati kayavijambhana evamuparipi @8 cha.Ma. akusalapakakha ukkanthitata, i. kusalapakkhesu ukkanthitataThe Pali Atthakatha in Roman Character Volume 11 Page 35. http://84000.org/tipitaka/read/attha_page.php?book=11&page=35&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=907&modeTY=2&pagebreak=1 http://84000.org/tipitaka/atthapali/rm_line.php?B=11&A=907&modeTY=2&pagebreak=1#p35
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]