บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑) หน้าที่ ๓๕.
"ปุรโต ปจฺฉโต วาปิ อปโร เจ น วิชฺชติ อตีว ผาสุ ภวติ เอกสฺส วสโต วเน"ติ ๑- จ. ตสฺมา ภควา ทุติยคาถมาห. ตตฺถ สา รติ ปฏิภาติ มนฺติ ยา เอวรูเป กาเล เอเกกสฺส ๒- นิสชฺชา นาม, สา รติ มยฺหํ อุปฏฺาตีติ อตฺโถ. เสสํ ตาทิสเมวาติ. สณมานสุตฺตวณฺณนา นิฏฺิตา. ------------------- ๖. นิทฺทาตนฺทีสุตฺตวณฺณนา [๑๖] ฉฏฺเ นิทฺทาติ "อภิชานามหํ อคฺคิเวสฺสน คิมฺหานํ ปจฺฉิเม มาเส ฯเปฯ นิทฺทํ โอกฺกมิตา"ติ ๓- เอวรูปาย อพฺยากตนิทฺทาย ปุพฺพภาคาปรภาเคสุ เสขปุถุชฺชนานํ สสงฺขาริกอกุสลจิตฺเต อุปฺปนฺนํ ถีนมิทฺธํ. ตนฺทีติ อติจฺฉาตาติสีตาทิกาเลสุ ๔- อุปฺปนฺนํ อาคนฺตุกํ อาลสฺยํ. วุตฺตมฺปิ เจตํ:- ตตฺถ กตมา ตนฺที ยา ตนฺที ตนฺทิยนา ตนฺทิมนกตา ๕- อาลสฺยํ อาลสฺยายนา อาลสฺยายิตตฺตํ, อยํ วุจฺจติ ตนฺทีติ. ๖- วิชิมฺหิตาติ กายวิชิมฺหนา. ๗- อรตีติ กุสลปกฺเขสุ อุกกณฺิกา. ๘- ภตฺตสมฺมโทติ ภตฺตมุจฺฉา ภตฺตกิลมโถ. วิตฺถาโร ปเนเตสํ "ตตฺถ กตมา วิชิมฺหิกา, ยา กายสฺส ชมฺภนา วิชิมฺหนา"ติอาทินา นเยน อภิธมฺเม อาคโตว. เอเตนาติ เอเตน นิทฺทาทินา อุปกฺกิเลเสน อุปกฺกิลิฏฺโ นิวาริตปาตุภาโว. นปฺปกาสตีติ น โชตติ, น ปาตุภวตีติ อตฺโถ. อริยมคฺโคติ โลกุตฺตรมคฺโค. อิธาติ อิมสฺมึ โลเก. ปาณินนฺติ สตฺตานํ. วิริเยนาติ มคฺคสหชาตวิริเยน. นํ ปณาเมตฺวาติ เอตํ กิเลสชาตํ นีหริตฺวา. อริยมคฺโคติ โลกิยโลกุตฺตรมคฺโค. อิติ มคฺเคเนว อุปกฺกิเลเส นีหริตฺวา มคฺคสฺส วิสุทฺธิ วุตฺตาติ. นิทฺทาตนฺทีสุตฺตวณฺณนา นิฏฺิตา. --------------- @เชิงอรรถ: ๑ ขุ. เถร. ๒๖/๕๓๗/๓๔๙ เอกวิหาริยตฺเถรวตฺถุ ๒ ฉ.ม., อิ. เอกกสฺส @๓ ม.มู. ๑๒/๓๘๗/๓๔๕ มหาสจฺจกสุตฺต ๔ สี....สีตวาตาทิกาเลสุ, อิ....สีตวาตาทีสุ @กาเลสุ ๕ ฉ.ม., อิ. ตนฺทิมนตา ๖ อภิ. วิภงฺค. ๓๕/๘๕๗/๔๒๙ ขุทฺทกวตฺถุวิภงฺค @๗ ฉ.ม., อิ. วิชมฺภิตาติ กายวิชมฺภนา เอวมุปริปิ @๘ ฉ.ม. อกุสลปกขา อุกฺกณฺิตตา, อิ. กุสลปกฺเขสุ อุกฺกณฺิตตาเนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๓๕. http://84000.org/tipitaka/read/attha_page.php?book=11&page=35&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=907&pagebreak=1 http://84000.org/tipitaka/atthapali/th_line.php?B=11&A=907&pagebreak=1#p35
จบการแสดงผล หน้าที่ ๓๕.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]