ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๓๓๗.

ทสฺสิยมานาย สกฺกาสเน ๑- ฐาตุํ อสกฺโกนฺโต อนฺตรธายิ. น สูปหตจิตฺโตมฺหีติ
เอตฺถ สูติ นิปาตมตฺตํ, น อุปหฏจิตฺโตมฺหีติ อาห. ๒- นาวฏฺเฏน ๓- สุวานโยติ
น โกธาวฏฺเฏน ๔- สุอานโย, โกธวเสน วตฺเตตุํ น สุกโรมฺหีติ วทติ. น โว
จิราหนฺติ โวติ นิปาตมตฺตํ, อหํ น จิรํ กุชฺฌามีติ ๕- วทติ. ทุติยํ.
                       ๓. สมฺพริมายาสุตฺตวณฺณนา
     [๒๖๙] ตติเย อาพาธิโกติ อิสิคเณน อภิสปกาเล อุปฺปนฺนาพาเธน
อาพาธิโก. วาเจหิสิ มนฺติ ๖- สเจ มํ สมฺพริมายํ วาเจหิสิ, เอวมหนฺตํ ๗-
ติกิจฺฉิสฺสามีติ วทติ. มา โข ตุวํ มาริส วาเจสีติ วินาปิ ตาว สมฺพริมายํ
สกฺโก อเมฺห พาธติ, ยทิ ปน ตํ ชานิสฺสติ, นฏฺฐา มยํ, มา อตฺตโน
เอกกสฺส ๘- อตฺถาย อเมฺห นาเสตีติ ๙- วตฺวา นิวารยึสุ. สมฺพโรว สตํ สมนฺติ
ยถา สมฺพโร อสุรินฺโท มายาวี มายํ ปโยเชตฺวา วสฺสสตํ นิรเย ปกฺโก, เอวํ
ปจฺจติ. ตุเมฺห จ ๑๐- ธมฺมิกา, อลํ โว มายายาติ วทติ. กึ ปน สกฺโก ตสฺส
โกธํ ติกิจฺฉิตุํ สกฺกเณยฺยาติ. อาม สกฺกุเณยฺย. กถํ? ตทา กิร โส อิสิคโณ
ธรติเยว, ตสฺมา นํ อิสีนํ สนฺติกํ เนตฺวา ขมาเปยฺย, เอวมสฺส ผาสุ ภเวยฺย.
เตน ปน วญฺจิตตฺตา ตถา อกตฺวา ปกฺกนฺโตว. ตติยํ.
                         ๔. อจฺจยสุตฺตวณฺณนา
     [๒๗๐] จตุตฺเถ สมฺปโยเชสุนฺติ กลหํ อกํสุ. อจฺจสราติ อติกฺกมิ,
เอโก ภิกฺขุ เอกํ ภิกฺขุํ อติกฺกมฺม วจนํ อโวจาติ อตฺโถ. ยถาธมฺมํ น
ปฏิคฺคณฺหาตีติ น ขมติ. โกโธ โว วสมายาตูติ โกโธ ตุมฺหากํ วสํ อาคจฺฉตุ,
มา ตุเมฺห โกธสฺส วสํ คมิตฺถาติ ทีเปติ. มา จ มิตฺเต หิ โว ชราติ
เอตฺถ หีติ นิปาตมตฺตํ, ตุมฺหากํ มิตฺตธมฺเม ชรา นาม มา นิพฺพตฺติ.
@เชิงอรรถ:  สี. ปน อาสเน   สี., อิ. น อุปหตจิตฺโตมฺหิ อหํ, ฉ.ม. อุปหตจิตฺโตมฺหีติ อาห
@ ฉ.ม., อิ. นาวตฺเตน  ฉ.ม., อิ. โกธาวตฺเตน  ฏีกา. น กุชฺฌามิ. น อปนยฺหามีติ
@ ม. วาเจมหนฺติ, ฉ. วาเจหิ มนฺติ    ฉ.ม., อิ. เอวมหํ ตมฺปิ
@ ฉ.ม., อิ. เอกสฺส   อิ. นาเสสีติ   ๑๐ ฉ.ม., อิ. อยํ สทฺโท นทิสฺสติ



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๓๓๗. http://84000.org/tipitaka/read/attha_page.php?book=11&page=337&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=8693&modeTY=2&pagebreak=1 http://84000.org/tipitaka/atthapali/th_line.php?B=11&A=8693&modeTY=2&pagebreak=1#p337


จบการแสดงผล หน้าที่ ๓๓๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]