ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๓๓๖.

ปเรสํ นิฏฺฐิตํ ปรฆเร ปกฺกํ ภิกฺขาจารวตฺเตน เอสมานา คเวสมานา. เตนาติ
เตน ๑- เอวํ ปริยิฏฺเฐน. สพฺพตาติ ทสปิ ฯเปฯ สฏฺฐีปิ วสฺสานิ
สุสมาทินฺนสุนฺทรวตา.
     สุมนฺตมนฺติโนติ ธมฺมํ สชฺฌายิสฺสาม ธุตงฺคํ สมาทิยิสฺสาม, สมตํ
ปริภุญฺชิสฺสาม, สมณธมฺมํ กริสฺสามาติ เอวํ สุภาสิตภาสิโน. ตุณฺหีภูตา สมญฺจราติ
ติยามรตฺตึ อสนิโฆสนโฆสิตา ๒- วิย ธมฺมํ กเถนฺตาปิ ตุณฺหีภูตา สมํ จรนฺติเยว
นาม. กสฺมา? นิรตฺถวจนสฺสาภาวา. ปุถุมจฺจา จาติ พหู สตฺตา จ อญฺญมญฺญํ
วิรุทฺธา. อตฺตทณฺเฑสุ นิพฺพุตาติ ปรวิเหฐนตฺถํ คหิตทณฺเฑสุ สตฺเตสุ นิพฺพุตา
วิสฏฺฐทณฺฑา. สาทาเนสุ อนาทานาติ สคหเณสุ สตฺเตสุ จ ภวโยนิอาทีนํ
เอกโกฏฺฐาสสฺสาปิ อคหิตตฺตา อคหณา. ปฐมํ.
                           ทุติโย วคฺโค.
                           ----------
                            ๓. ตติยวคฺค
                       ๑. ฆตฺวาสุตฺตวณฺณนา ๓-
     [๒๖๗] ตติยวคฺคสฺส ปฐมํ ๔- วุตฺตตฺถเมว. ปฐมํ.
                        ๒. ทุพฺพณฺณิยสุตฺตวณฺณนา
     [๒๖๘] ทุติเย ๕- ทุพฺพณฺโณติ ฌามขาณุวณฺโณ. โอโกฏิมโกติ ลกุณฺฑโก
มโหทโร. อาสเนติ ปณฺฑุกมฺพลสิลายํ. โกธภกฺโข ยกฺโขติ สกฺเกน คหิตนามเมเวตํ.
โส ปน เอโก รูปาวจรพฺรหฺมา, "สกฺโก กิร ขนฺติพเลน สมนฺนาคโต"ติ
สุตฺวา วีมํสนตฺถํ อาคโต. อวรุทฺธกยกฺขา ปน เอวรูปํ สํวิหิตารกฺขํ ฐานํ ปวิสิตุํ
น สกฺโกนฺติ. อุปสงฺกมีติ เทวานํ สุตฺวา "น สกฺกา เอส ผรุเสน จาเลตุํ,
นีจวุตฺตินา ปน ขนฺติยํ ฐิเตน สกฺกา ปลาเปตุนฺ"ติ ตถา นํ ปลาเปตุกาโม
อุปสงฺกมิ. อนฺตรธายีติ ขนฺติยํ ฐตฺวา พลวจิตฺตีการํ ปจฺจุปฏฺฐเปตฺวา นีจวุตฺติยา
@เชิงอรรถ:  ฉ.ม., อิ. อยํ ปาโฐ น ทิสฺสติ      ม. อสนิโฆสโฆสิตา, ฉ., อิ. อสนิโฆเสน
@ ฉ.ม. เฉตฺวาสุตฺต...            สี. เอกาทสมํ       สี. ทฺวาทสเม



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๓๓๖. http://84000.org/tipitaka/read/attha_page.php?book=11&page=336&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=8668&modeTY=2&pagebreak=1 http://84000.org/tipitaka/atthapali/th_line.php?B=11&A=8668&modeTY=2&pagebreak=1#p336


จบการแสดงผล หน้าที่ ๓๓๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]