อรรถกถาเล่มที่ ๑๑ หน้าที่ ๓๓๕.

สฏฺฐิมฺปิ วสฺสานิ อาปาณโกฏิยํ เอกเสยฺยํ เอกภตฺตนฺติอาทิกํ เสฏฺฐจริยํ พฺรหฺมจริยํ จรมาเนติ อตฺโถ. ปุญฺญกราติ จตุปจฺจยทานํ กุมฺภสุมนปูชา ^๑- ทีปสหสฺสชาลนฺติ เอวมาทิปุญฺญการกา. สีลวนฺโตติ อุปาสกตฺเต ปติฏฺฐาย ปญฺจหิปิ ทสหิปิ สีเลหิ สมนฺนาคตา. ธมฺเมน ทารํ โปเสนฺตีติ อุมงฺคภินฺทนาทีนิ ^๒- อกตฺวา ธมฺมิเกหิ กสิโครกฺขาวณิชฺชาทีหิ ปุตฺตทารํ โปเสนฺติ. ปมุโข รถมารุหีติ เทวานํ ปมุโข เสฏฺโฐ รถํ อารุหิ. อฏฺฐมํ. ๙. ทุติยสกฺกนมสฺสนสุตฺตวณฺณนา ^๓- [๒๖๕] นวเม ภวนฺตํ นมสฺสตีติ เอกํสํ อุตฺตริยํ ทุกุลํ กตฺวา พฺรหฺมชาณุโก หุตฺวา สิรสิ อญฺชลึ ฐเปตฺวา นมสฺสติ. โส ยกฺโขติ โส สกฺโก. อโนมนามมฺติ สพฺพคุเณหิ โอมกภาวสฺส นตฺถิตาย คุณเนมิตฺติเกหิ ^๔- นาเมหิ อโนมนามํ. อวิชฺชาสมติกฺกมาติ จตุสจฺจปฏิจฺฉาทิกาย วฏฺฏมูลกอวิชฺชาย สมติกฺกเมน. เสกฺขาติ สตฺต เสขา. อปจยารามาติ ^๕- วฏฺฏวิทฺธํสเน รตา. สิกฺขเรติ สิกฺขนฺติ. นวมํ. ๑๐. ตติยสกฺกนมสฺสนสุตฺตวณฺณนา ^๖- [๒๖๖] ทสเม อชฺฌภาสีติ กสฺมา เอส ปุนปฺปุนํ เอวํ ภาสตีติ? สกฺกสฺส กิร เทวรญฺโญ สทฺโท มธุโร, สุผุสิตทนฺตาวรณํ, กถนกาเล สุวณฺณกิงฺกิณิกสทฺโท วิย นิจฺฉรติ. ตํ ปุนปฺปุนํ โสตุํ ลภิสฺสามีติ ภาสติ. ปูติเทหสยาติ ปูติมฺหิ มาตุสรีเร วา, อตฺตโนเยว วา สรีรํ อวตฺถริตฺวา สยนโต ปูติเทหสยา. นิมฺมุคฺคา กุณปเมฺหเตติ ^๗- ทส มาเส มาตุกุจฺฉิสงฺขาเต กุณปสฺมึ เอเต นิมฺมุคฺคา. เอตํ เนสํ ปิทยามีติ เอเตสํ เอตํ ปิหยามิ ปตฺถยามิ. น เตสํ โกฏฺเฐ โอเปนฺตีติ น เตสํ สนฺตกํ ธญฺญํ โกฏฺเฐ ปกฺขิปนฺติ. น หิ เอเตสํ ธญฺญํ อตฺถิ. น กุมฺภีติ น กุมฺภิยํ. น กโฬปิยนฺติ น ปจฺฉิยํ. ปรนิฏฐิตเมสนาติ ^๘- @เชิงอรรถ: ^๑ ฉ.ม. กุสุมฺภสุมนปูชา, อิ. กุสุมฺภสุมนทามานิ ปูชานิ @^๒ สี., อิ. อุมฺมคฺคภินฺทนาทีนิ ^๓ ฉ.ม. สตฺถารวนฺทนาสุตฺต... @^๔ ฉ.ม., อิ. สพฺพคุณเนมิตฺตเกหิ ^๕ ก. อปจฺจยารามาติ ^๖ ฉ.ม. สํฆวนฺทนาสุตฺต... @^๗ อิ. กุณเปเสวเตติ ^๘ ฉ.ม. ปรนิฏฺฐิตเมสานาติ, อิ. ปรนิฏฺฐิตํ เจสานา...

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๓๓๕. http://84000.org/tipitaka/read/attha_page.php?book=11&page=335&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=8642&modeTY=2&pagebreak=1 http://84000.org/tipitaka/atthapali/th_line.php?B=11&A=8642&modeTY=2&pagebreak=1#p335