ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๓๓๓.

วิพฺภนฺตาย คาวิยา ชีวิตา โวโรเปตา ๑- มตฺติกาปาตึ ภินฺทิตฺวา สุวณฺณปาตึ
ปฏิลภนฺโต วิย ทุติยจิตฺตวาเรน เทวโลเก นิพฺพตฺโต อตฺตโน ปุญฺญํ นิสฺสาย
อญฺเญ เทเว อติกฺกมฺม วิโรจิตฺถ, ตํ การณํ ทสฺเสนฺโต สกฺโก เทวานมินฺโท
เอโส โข มาริสาติอาทิมาห.
     สทฺธาติ มคฺเคนาคตา สทฺธา. สีลญฺจ ยสฺส กลฺยาณนฺติ กลฺยาณสีลํ
นาม อริยสาวกสฺส อริยกนฺตสีลํ วุจฺจติ. ตตฺถ กิญฺจาปิ อริยสาวกสฺส เอกสีลมฺปิ
อกนฺตํ นาม นตฺถิ, อิมสฺมึ ปนตฺเถ ภวนฺตเรปิ อปฺปหีนํ ปญฺจสีลํ อธิปฺเปตํ.
                              จตุตฺกํ.
                       ๕. รามเณยฺยกสุตฺตวณฺณนา
     [๒๖๑] ปญฺจเม อารามเจตฺยาติ อารามเจติยานิ. วนเจตฺยาติ คิริวนเจติยานิ. ๒-
อุภยตฺถาปิ จิตฺตีกตฏฺเฐน เจตฺยนฺติ ๓- เวทิตพฺพํ. มนุสฺสรามเณยฺยสฺสาติ
มนุสฺสรมณียกภาวสฺส. อิทานิ มนุสฺสรมณียกวเสเนว ๔- ภูมิรมณียกํ ทสฺเสนฺโต
คาเม วาติอาทิมาห. ปญฺจมํ.
                        ๖. ยชมานสุตฺตวณฺณนา
     [๒๖๒] ฉฏฺเฐ ยชมานานนฺติ ยชนฺตานํ. ตทา กิร องฺคมคธวาสิกา
มนุสฺสา อนุสํวจฺฉรํ สปฺปิมธุผาณิตาทีสุ อคฺคํ คเหตฺวา เอกสฺมึ ฐาเน ทารูนํ
สฏฺฐิมตฺเต สกฏภาเร ราสึ กตฺวา อคฺคึ ทตฺวา ปชฺชลิตกาเล "มหาพฺรหฺมาโน ๕-
ยชามา"ติ ตํ สพฺพํ ปกฺขิปนฺติ. "เอกวารํ ปกฺขิตฺตํ สตสหสฺสคุณํ ผลํ ๖- เทตี"ติ
กิร ๗- เนสํ ลทฺธิ. สกฺโก เทวราชา "สพฺเพปิเม สพฺพอคฺคานิ คเหตฺวา
`มหาพฺรหฺมาโน ยชามา'ติ อคฺคิมฺหิ ฌาเปนฺติ, อผลํ กโรนฺติ, มยิ ปสฺสนฺเต มา
นสฺสนฺตุ, ยถา พุทฺธสฺส เจว สํฆสฺส จ ทตฺวา พหุํ ปุญฺญํ ปสวนฺต,
เอวํ กริสฺสามี"ติ ทารุราสึ ชลาเปตฺวา โอโลเกนฺเตสุ มนุสฺเสสุ ปุณฺณมีทิวเส ๘-
@เชิงอรรถ:  ฉ.ม., อิ. โวโรปิโต        ฉ.ม., อิ. วนเจติยานิ       ฉ.ม., อิ. เจตฺยํ
@ ฉ.ม., อิ....วเสน   ฉ.ม., อิ. มหาพฺรหฺมุโน, เอวมุปริปิ   ฉ.ม. สหสฺสคุณผลํ
@ ฉ.ม., อิ. อยํ สทฺโท น ทิสฺสติ       ฉ.ม. ปุณฺณมทิวเส



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๓๓๓. http://84000.org/tipitaka/read/attha_page.php?book=11&page=333&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=8592&modeTY=2&pagebreak=1 http://84000.org/tipitaka/atthapali/th_line.php?B=11&A=8592&modeTY=2&pagebreak=1#p333


จบการแสดงผล หน้าที่ ๓๓๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]