บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Saṃ.A. (sārattha.1) Page 330.
2. Dutiyavagga 1. Paṭhamadevasuttavaṇṇanā 1- [257] Dutiyavaggassa paṭhame vattapadānīti vattakoṭṭhāsāni. Samattānīti paripuṇṇāni. Samādinnānīti gahitāni. Kule jeṭṭhāpacāyīti kule jeṭṭhakānaṃ mahāpitā mahāmātā cūḷapitā cūḷamātā mātulo mātulānītiādīnaṃ apacitikārako. Saṇhavācoti piyamudumadhuravāco. Muttacāgoti visaṭṭhacāgo. Payatapāṇīti deyyadhammadānatthāya sadā dhotahattho. Vossaggaratoti vossajjane rato. Yācayogoti parehi yācitabbāraho, yācayogoti vā yācayogeneva yutto. Dānasaṃvibhāgaratoti dāne ca saṃvibhāge ca rato. Paṭhamaṃ 2. Dutiyadevasuttavaṇṇanā 2- [258] Dutiye manussabhūtoti magadharaṭṭhe acalagāmake manussabhūto. Āvasathaṃ adāsīti catumahāpathe mahājanassa āvasathaṃ kāretvā adāsi. Sahassampi atthānanti sahassampi kāraṇānaṃ, janasahassena vā vacanasahassena vā osārite "ayaṃ imassa attho, ayaṃ imassa attho"ti ekapade ṭhitova vinicchinati. Dutiyaṃ. 3. Tatiyadevasuttavaṇṇanā *- [259] Tatiye upasaṅkamīti "sakko devarājāti kathenti, atthi nu kho so sakko, yena so diṭṭhapubboti imamatthaṃ dasabalaṃ pucchissāmī"ti upasaṅkami. Tañca pajānāmīti bahuvacane ekavacanaṃ, te ca dhamme pajānāmīti attho. Sakko kira anantare attabhāve magadharaṭṭhe acalagāme magho nāma māṇavo ahosi paṇḍito byatto. Bodhisattacariyā viyassa cariyā 3- ahosi. So tettiṃsa purise gahetvā kalyāṇamakāsi. Ekadivasaṃ attanova paññāya upaparikkhitvā gāmamajjhe mahājanassa sannipatitaṭṭhāne kacavaraṃ ubhato 4- apabyūhitvā taṃ ṭhānaṃ ramaṇīyaṃ @Footnote: 1 cha.Ma. vatapadasuttavaṇṇanā 2 cha.Ma. sakkanāmasuttavaṇṇanā 3 cha.Ma. viya ca tassa cariyā @4 cha.Ma., i ubhatopassesu * cha.Ma. mahālisutta...The Pali Atthakatha in Roman Character Volume 11 Page 330. http://84000.org/tipitaka/read/attha_page.php?book=11&page=330&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=8516&pagebreak=1 http://84000.org/tipitaka/atthapali/rm_line.php?B=11&A=8516&pagebreak=1#p330
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]