ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๓๒๘.

ตตฺถ ขนฺตฺยา ภิยฺโยติ นิปฺผนฺนโสภเณสุ อตฺเถสุ ขนฺติโต อุตฺตริตโร อตฺโถ
นาม นตฺถิ. อตฺถชาตาติ กิจฺจชาตา. โสณสิงฺคาลาทโยปิ หิ อุปาทาย อกิจฺจชาโต
สตฺโต นาม นตฺถิ, อิโต เอโต คมนมตฺตํปิ กิจฺจเมว โหติ. สํโยคปรมาเตฺวว,
สมฺโภคา สพฺพปาณินนฺติ ปาริวาสิกโอทนาทีนิ หิ อสมฺโภคารหานิ โหนฺติ,
ตานิ ปน อุณฺหาเปตฺวา ภิชฺชิตฺวา ๑- สปฺปิมธุผาณิตาทีหิ สํโยชิตานิ สมฺโภคารหานิ
โหนฺติ. เตนาห "สํโยคปรมาเตฺวว, สมฺโภคา สพฺพปาณินนฺ"ติ. นิปฺผนฺนโสภิโน
อตฺถาติ ๒- อิเม อตฺถา นาม นิปฺผนฺนาว โสภนฺติ. ปุน สกฺกสฺส. ตตฺถาปิ
จตุตฺถคาถา วุตฺตนเยเนว อตฺโถ เวทิตพฺโพ. อฏฺฐมํ.
                      ๙. อารญฺญกสุตฺตวณฺณนา ๓-
     [๒๕๕] นวเม ปณฺณกุฏีสุ สมฺมนฺตีติ หิมวนฺตปเทเส รมณีเย
อรญฺญายตเน รตฺติฏฺฐานทิวาฏฺฐานจงฺกมนาทีหิ สมฺปนฺนาสุ ปณฺณสาลาสุ วสนฺติ.
สกฺโก จ เทวานมินฺโท เวปจิตฺติ จาติ อิเม เทฺว ชนา ชามาติกสสฺสุรา
กาเลน กลหํ กโรนฺติ, กาเลน เอกโต จรนฺติ, อิมสฺมึ ปน กาเล เอกโต
จรึสุ. ๔- อฏลิโยติ ๕- คณงฺคณุปาหนา. ขคฺคํ โอลคฺเคตฺวาติ ขคฺคํ อํเส
โอลคฺเคตฺวา. ฉตฺเตนาติ ทิพฺพเสตจฺฉตฺเตน มตฺถเก ธารยมาเนน. อปพฺยามโต ๖-
กริตฺวาติ พฺยามโต อกตฺวา. ๗- จิรทกฺขิตานนฺติ จิรสมาทินฺนวตฺตานํ. ๘- อิโต
ปฏิกฺกมาติ "อิโต ปกฺกม ปริวชฺชย, มา อุปริวาเต ติฏฺฐา"ติ วทนฺติ. น
เหตฺถ เทวาติ เอตสฺมึ สีลวนฺตานํ คนฺเธ เทวา น ปฏิกฺกูลสญฺญิโน,
อิฏฺฐกนฺตมนาปสญฺญิโนเยว ปนาติ ๙- ทีเปติ. นวมํ.
@เชิงอรรถ:  ฉ.ม. อุณฺหาเปตฺวา ภชฺชิตฺวา, อิ. อุณฺหาเปตฺวา ภชิตฺวา
@ ฉ.ม. นิปฺผนฺนโสภโน อตฺโถติ   ฉ.ม. อรญฺญายตนอิสิสุตฺตวณฺณนา
@ ฉ.ม., อิ. จรนฺติ   สี., อิ. อฏลิโยติ, ฉ.ม. ปฏลิโยติ   ม. อพฺยามโต
@ สี. พฺยามโต กตฺวา, ม. พฺยามโต กริตฺวา, ขุ.อุ. ๒๕/๔๓/๑๖๒
@สุปฺปพุทฺธกุฏฺฐิสุตฺต "อปสพฺยโต กตฺวา"ติ ปทสฺส สํวณฺณนาย สทฺธึ สํสนฺเทตพฺพํ
@ ฉ.ม....สมาทิณฺณวตานํ, อิ....สมาทินฺนวตานํ    ฉ.ม., อิ....สญฺญิโนเยวาติ



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๓๒๘. http://84000.org/tipitaka/read/attha_page.php?book=11&page=328&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=8464&modeTY=2&pagebreak=1 http://84000.org/tipitaka/atthapali/th_line.php?B=11&A=8464&modeTY=2&pagebreak=1#p328


จบการแสดงผล หน้าที่ ๓๒๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]