Viraviṃsu. Sakko taṃ sutvā "kassa saddo tātā"ti mātaliṃ pucchi. Rathasaddaṃ te deva
sutvā supaṇṇā palāyituṃ asakkontā viravantīti. Taṃ sutvā karuṇāsamāpajjitadahayo 1-
abhāsi. Īsāmukhenāti rathassa īsāmukhena. Yathā kulāvake īsāmukhaṃ na sañcuṇṇeti,
evaṃ iminā īsāmukhena te parivajjaya. So hi ratho puññapaccayanibbatto
cakkavāḷapabbatepi sinerumhipi sammukhībhūte nibbijjhitvāva 2- gacchati na sajjati,
ākāse gamanavaseneva 3- gacchati. Sace tena simbalivanena gato bhaveyya, yathā
mahāsakaṭe kadalivanamajjhena vā eraṇḍavanamajjhena vā gacchante sabbaṃ vanaṃ
vibhaggaṃ nimmathitaṃ hoti, evaṃ taṃpi simbalivanaṃ bhaveyya. Chaṭṭhaṃ.
7. Nadubbhiyasuttavaṇṇanā
[253] Sattame upasaṅkamīti "ayaṃ sakko `yopi me assa supaccatthiko,
tassapāhaṃ na dubbheyyan'ti cinteti, mayā tassa paccatthikataro nāma natthi,
vīmaṃsissāmi tāva naṃ, kiṃ nu kho maṃ passitvā dubbhati, na dubbhatī"ti cintetvā
upasaṅkami. Tiṭṭha vepacitti gahitosīti vepacitti ettheva 4- tiṭṭha, gahito tvaṃ
mayāti vadati. Saha vacanena cassa 5- so kaṇṭhapañcamehi bandhanehi baddhova
ahosi. Sapassu ca meti mayi adubbhatthāya 6- sapathaṃ karohīti vadati. Yaṃ musā
bhaṇato pāpanti imasmiṃ kappe paṭhamakappikesu cetiyarañño pāpaṃ sandhāyāha.
Ariyūpavādinoti kokālikassa viya pāpaṃ. Mittadduno ca yaṃ pāpanti mahākapijātake
mahāsatte duṭṭhacittassa pāpaṃ. Akataññunoti devadattasadisassa akataññuno pāpaṃ.
Imāni kira imasmiṃ kappe cattāri mahākappāni. 7- Sattamaṃ.
8. Verocanaasurindasuttavaṇṇanā
[254] Aṭṭhame aṭṭhaṃsūti dvārapālarūpakāni viya ṭhitā. Nippadāti 8-
nipphatti, yāva attho nippajjati, tāva vāyamethevāti vadati. Dutiyagāthā sakkassa.
@Footnote: 1 Sī., i. karuṇāsamappitahadayo, cha.Ma. karuṇāsamāvajjitahadayo
@2 cha.Ma., i. vinivijjhitvāva 3 cha.Ma., i. ākāsagatasadiseneva 4 Sī. ettova
@5 cha.Ma. saha vacanenevassa 6 Sī. adubbhanatāya, Ma. adrubbhattāya, i. adabbhattāya
@7 cha.Ma. mahāpāpāni, i. mahāpāpānīti 8 cha.Ma., i. nipphadāti
The Pali Atthakatha in Roman Character Volume 11 Page 327.
http://84000.org/tipitaka/read/attha_page.php?book=11&page=327&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=8438&pagebreak=1
http://84000.org/tipitaka/atthapali/rm_line.php?B=11&A=8438&pagebreak=1#p327
