Vuttanayena naram socenti. Tasma narassa socana sokavatthukamevati veditabba.
Na hi so socati, yo nirupadhiti yassa pana catubbidhapete upadhiyo natthi, so
nirupadhiti 1- mahakhinasavo kim socissati, na socati devateti.
Nandatisuttavannana nitthita.
-------------------
3. Natthiputtasamasuttavannana
[13] Tatiye natthi puttasamam pemanti virupepi hi attano putte 2-
suvannabimbakam viya mannanti, malagule viya sisadisu katva pariharamana tehi
ohanitapi 3- opitihitapi gandhavilepanam paticchanta 3- viya somanassam apajjanti.
Tenaha "natthi puttasamam peman"ti. Puttapemena samam pemam nama natthiti vuttam
hoti. Gosamikam 4- dhananti gohi samam godhanasamam godhanasadisam annam dhanam nama
natthi bhagavati aha. Suriyasama abhati suriyabhaya sama anna abha nama
natthiti dasseti. Samuddaparamati ye keci anne sara nama, sabbe te
samuddaparama, samuddo tesam uttamo, samuddasadisam annam udakanidanannama
natthi bhagavati.
Yasma pana attapemena samam pemam nama natthi. Matapitadayo 5- hi
chaddetvapi puttadhitadayo 6- ca chaddetva avasetvapi 7- satta attanameva
posenti. Dhannena ca samam dhanam nama natthi. Yada hi satta dubbhikkha
honti, tatharupe hi kale 8- hirannasuvannadinipi gomahisadinipi dhannaggahanattham
dhannasamikanameva santikam gahetva gacchanti. Pannaya ca sama abha nama natthi.
Suriyadayopi 9- ekadesamyeva obhasenti, paccuppannameva ca tamam vinodenti. Panna
pana dasasahassilokadhatum 10- ekappajotam katum sakkoti, atitamsadipaticchadakanca
@Footnote: 1 cha.Ma., i. itisaddo na dissati 2 cha.Ma., i. puttake
@3-3 cha.Ma. ohaditapi omuttikapi gandhavilepanapatita, i. opatitapi omuttitapi
@ohanitapi gandhavilepanam patitam 4 cha. gosamitam dhananti i. gosamitanti
@5 Ma. matapitaro 6 Ma. puttadhitaro 7 cha.Ma., i. amosetvapi 8 i. kule.
@9 cha.Ma., i. hi. 10 cha.Ma., i. dasasahassimpi lokadhatum
The Pali Atthakatha in Roman Character Volume 11 Page 32.
http://84000.org/tipitaka/read/attha_page.php?book=11&page=32&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=11&A=826&modeTY=2&pagebreak=1
http://84000.org/tipitaka/atthapali/rm_line.php?B=11&A=826&modeTY=2&pagebreak=1#p32
